SERBIA NË AVANCIM :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» SERBIA NË AVANCIM

Postuar më datën: 2008-02-29 17:24:02 nga admin4 :: Kategoria: Opinione

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Ekspertët e shkencave juridike të Kosovës po viktimizohen nga elitat e partive politike duke i vënë në funksion të një mekanizmi të vetëmashtrimit dhe të mashtrimit të Popullit Shqiptar të Kosovës se Kosova është duke vepruar në ndërtimin e vet juridik si një subjekt kombëtar dhe ndërkombëtar!
Duke i dëgjuar diskutimet rreth punimeve në projektin e “Kushtetutës së Kosoves” duket se kuadrot tona juridike e politike po zhvillojnë një luftë luajsh në fushën e vuarjes së bazave kushtetutare, dhe se fare pak ju duhet që të dalin ngadhënjimtar kundër UNIMK-ut.!
E vërteta fatkeqësisht është ndryshe, sepse Bashkësia ndërkombëtare qysh nga koha e angazhimit të GRUPIT TË KONTAKTIT, shumë para se të mbahej Konferenca e Rambujes i ka definuar qëndrimet e veta ndaj çështjes së Kosovës, dhe qysh atëherë ZGJEDHJA E QËSHTJES SË POPULLIT SHQIPTAR NË ISH-RSFJ është vendosur të mos zgjidhet fare! Kjo shihet nga qëndrimi i tyre. Atëherë fuqitë botërore kanë marrë vendim që ky Popull të vazhdoi të mbetet i ndarë dhe nën sundimin e Republikave të ish-Jugosllavisë.
Qysh atëherë është vendosur që statusi i Popullit Shqiptarë në ish-RSFJ të mbetet statusi i minoritetit nën sundimin e Maqedonisë, të Serbisë dhe Malit të Zi. Këtë e vërteton fakti i pa mohueshëm se Fuqitë e Evropës edhe pse e dinin saktësisht se Populli Shqiptarë në ish RSFJ ishte ndarë dhe futur nën sundimin e këtyre ish Republikave Jugosllave për tu sunduar e asimiluar më lehtë siç ndodhi me Popullin Shqiptar ne Çamëri, ato e pranuan Maqedoninë dhe Jugosllavinë e Sllobodan Millosheviqit me ata kufi okupues mbi këtë popull që i kishin vënë së fundi në kohën e Jugosllavisë së diktatorit Tito. Pas farsës së zgjedhjeve lokale të OSBE- ës në Kosovën qendrore, këta kufi armiqësor që e ndajnë Popullin Shqiptar në ish RSFJ i pranoi OKB-ja edhe BE-ja. Pra, derisa gjithë popujt e ish RSFJ krijuan shtetet e veta Kombëtare Populli Shqiptar në ish RSFJ edhe pse ishte i vetmi popull jo sllav, ati nuk ju njoh e drejta në mëvetësi. Ndarja e Kosovës nga Shqipëria e vitit 1913 u reprizua me ndarjen e re të Kosovës, definitivisht me pranimin e Jugosllavisë të Milosheviqit pas zgjedhjeve lokale në Kosovën qendrore.

BASHKËSIA NDRËRKOMBËTARE
KOMUNITETIT SHQIPTAR NË ISH-RSFJ IA NJEH STATUSIN E KOMUNITETIT
II

KOMUNITETET KOMBËTARE NUK KANË TË DREJTË NË SOVRANITET
E NË KUSHTETUTË, E SOVRANITET KANË TË DREJTË VETËM POPUJT

Pra, do të ishte e ndershme nga elitat e Partive Politike që të thonë të vërtetën se ata kanë vënë nënshkrim në dokumente ku Populli Shqiptar cilësohet si komunitet(minoritet) dhe ku thuhet se ati i njihet vetëqeverisja në formë të pavarësisë pa sovranitet.
Një dokument të tillë e kanë nënshkruar Ibrahim Rugova dhe Millan Millutinoviqi gjatë inskenimit shpërnguljeve nëpër korridorin e Gligorovit që ai neve shqiptarve na bëri me dije shumë koha para se filloi projekti i turizmit tremujor i shqiptarëve nëpër Botë gjatë manovrave të NATO-s të vitit 1999 kur u goditën objektet e ndërtuara nga fondet ndërkombëtare në ish Jugosllavi të caktuara qysh ma parë për bombardime në marrëveshje me Millosheviqin (Sllobodan Millosheiviqi ishte një malazez cili e shkatërroi Jugosllavinë serbomadhe për interesa të Malit të Zi). Në një dokument tjetër me karakter ndërkombëtar ku Kosovës qendrore i nihen vetëm të drejtat e komunitetit dhe pavarësia pa sovranitet e kanë nënshkruar edhe liderët e partive tjera ma të mëdha. Prandaj çdo pjesë teatrale politike rreth Kushtetutës së Kosovës është e tepërt! Do të e kupton secili shqiptar se nënshkrimi i një dokumenti të tillë nuk ka ardhur me dëshirën e tyre por se atë e bërën për shkak të pyetjes hamletian me qenë o mos me qenë, por ata këtë duhet ta thonë hapur dhe të mos e mbajnë popullin në iluzione se së bashku me UNMIK-un dhe BE-në po punohet drejt pavarësisë kur kjo nuk është e vërtetë. Kjo popullit duhet ti thuhet hapur! Përkundrazi UNMIK-u dhe KFOR-I intensivisht janë duke punuar vetëm për realizimin e të drejtave të njeriut të shqiptarëve vetëm si komunitet. Prandaj, popullin nuk duhet mbajtur në iluzione!
Edhe sot UNMIK-u dhe KFOR-i dhe BE-ja zbatojnë Rezolutën 1244 e cila e njeh integritetin e sovranitetin e Serbisë edhe pse është njohur një lloj pavarësie pa sovranitet për Kosovën.

NË DRETJTIM TË PAVARËSISË DHE BASHKIMIT
DUHET PUNUAR SERIOZISHT DHE SINQERISHT
III
ÇFAR PO NDODH ME KOSOVËN DHE QFAR DUHET BËR?

Fuqitë e mëdha të Evropës nuk po lejojnë krijimin e një shteti të bashkuar Shqiptarë sepse janë të ngarkuar me paragjykimet e imponuara nga propaganda një shekullore serbe se “Shqiptarët po duan të krijojnë një shtet islamik” në jugun e Evropës.
Shqiptarët duhet bindur Botën dhe në veçanti Evropën se shqiptarët gjithmonë civilizimin e vet kombëtar evropian e kanë mbi cilindo besim fetar që në trojet e tyre e kanë sjellë sundimet e huaja në shekujt e kaluar, dhe se ata nuk duan të krijojnë kurrfarë shteti islamik por një shtet të civilizuar me të gjitha standardet e qytetërimit evropian, të pavarur dhe të barabartë me popujt tjerë të Evropës me synim që edhe ai të hyn në integrimet aktuale. Një orientim të tillë evropian shqiptarët e kanë dëshmuar qysh nga koha e Gjergj Kastriotit (Skënderbeut).

PROQESI I SHPËRBËRJES SË ISH JUGOSLLAVISË PËRFUNDON KUR
TË ZGJEDHET QËSHTJA E PAVARËSISË TË POPULLIT SHQIPTAR NË BALLKAN

Shtrohet pyetja ku është kufiri i kompetencave të UNMIK-ut KFOR-it dhe BE-së në Kosovën qendrore? A mos po e kalojnë UNMIK-u e KFOR-i kufirin e pa anshmërisë në konfliktin shqiptaro-serbomaqedon dhe po bëhen mjet i tyre në ushtrimin e terrorit shtetëror ndaj shqiptarëve? Pse UNMIK-u e nxori një ligj për çarmatosjen e shqiptarëve para se të vendoset statuti i Kosovës, të ngjashëm me atë të klanit rankoviqian për mbledhjen e armatimit të vitit 1956? A mos po çarmatoset Populli Shqiptar i Kosovës për të lehtësuar kthimin e sundimit të Beogradit?
Pra, zgjedhja e çështjes së pavarësisë së Popullit Shqiptar në ish RSFJ duhet të realizohet së pari, pastaj populli do t’i dorëzojë armët te institucionet e veta e jo te policitë e huaja. Ekspertët e shkencave juridike, elitat e Partive Politike dhe TMK e SHPK duhet të jenë të parët që të kundërshtojnë çarmatosjen e popullsisë para se të dihet statuti definitiv i Kosovës e jo të merren me kushtetuta që janë korniza për minoritete. Populli duhet t’i mbajë armët pran deri te krijimi i një ushtrie të vërtetë e cila do të ishte në gjendje që ta mbrojë vendin përgjithmonë nga agresorët serbosllavoortodoks, pavarësisht se si quhen ata. Sepse, mbledhja e armëve po bëhet për të lehtësuar vendosjen e pavarësisë pa sovranitet dhe mashtrimin e popullit kinse janë të pavarur!
IV
RENDITJA E VEPRIMEVE DRJET KRIJIMIT TË SHTETIT

Bashkësia ndërkombëtare po i imponon Kosovës pjesëmarrje në përgjegjësinë për krijimin e Pavarësis pa Sovranitet, që është e huaj, me qëllim që shqiptarët të pranojnë kufijtë armiqësor të republikave të ish Jugosllavisë dhe që pastaj të jenë përgjegjës për të gjitha represaliet ndaj atyre që rezistojnë një sundim të tillë.
Për këto qëllime ndërkombëtarët shkojnë me një renditje të kundërt me shkencat juridike! Së pari imponojnë një kornizë ligjore për minoritete si iu konvenon fqinjëve shovinistë, pastaj i organizuan zgjedhjet ku OSBE-ja i imponoj ato zgjedhje që të fitojnë bashkëpunëtorët e Marti Ahtisarit dhe pastaj me njerëz të tillë të imponohet statusi i robit.
Ekspertët e Drejtësisë e dinë se së pari duhet që gjatë protektoratit ndërkombëtar të mbahet referendumi mbi statusin e ardhshëm të Popullit Shqiptar në ish RSFJ, pastaj të mbahet Referendum mbi rregullimin shtetëror të Kosovës së tërësishme dhe në bazë të kësaj të përpilohet Kushtetuta dhe në bazë të Kushtetutës së Kosovës të organizohen edhe zgjedhjet, e jo si duan të na imponojnë ndërkombëtarët një renditje të mbrapsht që ata nuk e bëjnë kurrë në shtetet e veta. Do t’ju shtroja një pyetje të gjithë ndërkombëtarve që janë në Kosovë se a do ta pranonin këtë demokraci dhe ketë pavarësi për shtetet e tyre.
Ekspertët e Drejtësisë u dashtë t’i propozojnë elitave të Partive Politike që të pushojnë pluralitetin politikë deri në arritjen e statusit definitiv të Kosovës dhe të ngrehin një Qeveri të Luftës nën hije, gjatë gjithë kohës që të është protektorati ndërkombëtar në Kosovë, dhe t’i organizojnë të gjitha segmentet e jetës në kushte lufte duke iu dhënë prioritet forcimit të TMK-së dhe SHPK-së, si dhe gatishmërisë gjithëkombëtare për t’u vënë në mbrojtje të vendit në çdo kohë!.
V
BASHKËSIA NDËRKOMBËTARE
NUK MUNDET TË KËRKON PAJTIM PREJ SHQIPTARVE QË JAN VIKTIMË, E KRIMINELAVE SERB E MAQEDON
Në Gjykimin e Nurbergut që iu bë NACISTËVE akuza nuk u ngrit vetëm ndaj Hitlerit dhe ndaj ndonjë bashkëpunëtori të tij, por akuza u hap kundër Partisë Nacional Socialiste, kundër Ushtrisë Gjermane, kundër Gestapos, ABVER-it e dhe faktikisht me ndarjen e Gjermanisë dhe futjen nën sundimin e ALEATVE u dënua edhe Populli Gjerman i cili e kishte mbështetur dhe e kishte zbatuara politikën e Hitlerit, sepse Hitleri me disa bashkëpunëtorë nuk do të mundej t’i kryente gjitha ato krime ndaj njerëzimit!
Sllobodan Millosheviqi i organizoi 4 referendume në Serbi dhe Populli Serb ia dha shumicën absolute të votave për politikën e tij kriminale, e mbështeti materialisht, moralisht dhe u vu i tëri në disponim në luftë kundër Sllovenisë, Kroacisë, Bosnjës dhe kundër Kosovës. Millosheviqin në luftë kundër popujve tjerë e përkrahën gjitha partitë politike serbe dhe ai luftën e bëri nën udhëheqjen e Ushtrisë e Policisë Jugosllave të cilat pos njësive të rregullta rekrutuan edhe njësit e paramilitarëve dhe i rreshtuan pran forcave të rregullta të armatosura serbe.
Ndërsa bashkësia ndërkombëtare përgjegjësinë e kërkoi vetëm nga Millosheviqi dhe disa veta rreth ti. Në vend se KFOR-i të shkon në Serbi dhe atje të çarmatos Ushtrinë Jugosllave dhe të e ndan Serbin në Regjione për të e disiplinuar, ajo tërë këto i bën në Kosovë ndaj Popullit Shqiptar. Prandaj lind dyshimi në sinqeritetin dhe seriozitetin e UNMIK-ut dhe të KFOR-it sepse ata në vend se të e dënojnë Serbinë si shtet për tëra këto krime OKB-ja e shpërbleu duke e pranuar Jugosllavin e Millosheviqit dhe po i favorizon forcat e ushtrisë serbe që më par i komandonte Millosheviqi e që tani po i komandon Koshtunica pa as një ndryshim në elitën ushtarake e cila i kreu krimet e lutës.
Shqiptarët duhet ta shohin këtë realitet dhe të vejnë gishtin kokës. Sidomos ata në elitat e Partive Politike që kanë marrë përgjegjësinë për të udhëhequr popullin drejt (Pavarësisë pa Bashkim). Nëse e marrim për shembull pranin e përfaqësuesit shtetëror të Serbisë në mbledhjen e KPA-s kur disa lider shprehën pakënaqësi për pranin e tij duke e cilësuar të gjithë se ai kishte marrë rolin e përfaqësuesit të serbëve të Kosovës, gjë që nuk ishte e vërtet. Ai ishte përfaqësues i Serbisë në KPA dhe domethanjen e kësaj e dinin shumica e pjesë marrësve dhe shtiheshin se gjoja ai i përfaqësonte serbët e Kosovës! Por, ata që janë të ndërgjegjshëm duhej të reagonin ashpër dhe të e ndërpresin atë mbledhje të KPA-së por nuk ndodhi ai reagim sikurse që tani nuk reagoj askush për hyrjen e ministrit serb Samargjiq nën përcjelljen e nisive speciale të SHPK-së(ne shtetin e pavarur të Kosovës) .
Në përfundim të këtij shkrimi dua të ceki, se ne çdo shtet dhe popull ne botë, nuk hartohet kushtetuta e një shteti, pa pjesëmarrje të popullit në referendum dhe nuk miratohen simbolet e ati shteti pa referendum,çdo vendim tjetër është në kundërshtim të vullnetit të popullit,e sidomos nëse ne zgjedhje nuk janë dal ma shumë se 50.1% te popullit por pasi që pakoja e Marti Ahtisarit është magjike atëherë çdo gjë qenka e mundur.

Themeluesi dhe ish kryetari i parë i SHIL-të UÇK-ë
Vehbi Rafuna

Prishtinë, 29.02.2008

---------

• TITUJ TË NGJASHËM

[ Lajmet kryesore ]

Thaçi: Serbia do të befasohet me numrin e shteteve të reja që do ta njohin pavarësinë e Kosovës (2008-10-02 12:12:39 nga admin1)

[ Lajmet kryesore ]

Jovanoviç: Nëse ndahet Kosova, pse të mos ndahet Serbia (2008-10-01 15:16:58 nga admin1)

[ Opinione ]

Serbia e ka marrë veriun, politikanët po na thonë se jemi shtet! (2008-09-30 14:06:22 nga admin1)

[ Lajmet kryesore ]

Serbia kundër Kosovës, BE abstenon (2008-09-26 05:31:04 nga admin4)

[ Lajmet kryesore ]

Serbia kundër Rusisë, s'do të njohë rajonet e Gjeorgjisë (2008-09-24 08:57:22 nga admin4)