PSE BIHET NË GRACKAT E POLITIKËS DITORE TË “SHQIPTARO”-TITISTËVE ? :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» PSE BIHET NË GRACKAT E POLITIKËS DITORE TË “SHQIPTARO”-TITISTËVE ?

Postuar më datën: 2008-04-08 16:50:09 nga admin1 :: Kategoria: Opinione

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Shkruan: Tafil DURAKU

Duke përcjellë me vëmendje të shtuar shumë opinione të qëlluara, kombëtarisht të qëndrueshme, shpesh hasim edhe në konstatime të pamatura e të paqëlluara, plotësisht të gabuara, por, jo edhe qëllimkeqe, të shumë analistëve me orientim të qartë kombëtar e atdhetar. Dhe, kjo, mendojmë, përbën të keqen e vazhdueshme jo vetëm politike shqiptare.

Për ta shfaqur këtë opinion timin publikisht, më shtyri analiza e shokut dhe mikut tim, Prof. dr. Mehdi Hyseni, me titull “Adem Jashari ishte truri dhe zemra e pavarësisë së Kosovës...”, publikuar në www.dervina.com dhe www.shqiperiaebashkuar.org, të cilat edhe janë faqet më të paanshme të mediave shqiptare. Ndërkaq, këtu, nuk kemi për qëllim të polemizojmë me autorin që përmendëm këtu dhe të tjerë, që, fatkeqësisht, nuk janë të paktë në numër, por, duam ta qartësojmë plotësisht madhështinë kombëtare të figurës atdhetare-shqiptare të ADEM JASHARIT, JASHARËVE dhe shokëve e miqve të idealit të tyre atdhetar e kombëtar.

Opinionit shqiptar duhet t’i kujtojmë se me Xha Shaban Jasharin, me bijtë e tij Rifatin, Hamzën, Ademin dhe farefisin e tij e të afërmit e tyre njihemi që nga vitet 1969, kur ishim në Gjimnazin e Skënderajt, e, edhe më herët. Këtë mund ta dëshmojë në çdo kohë Bacë Rifat Jashari, etj. Por, ajo që do ta analizojmë këtu është pamaturia e shumë analistëve, që, duke u përpjekur ta madhërojnë figurën kombëtare e atdhetare të Adem Jasharit, shpeshherë e minimizojnë atë, madje, e qesin në terrenin paci(t)fisto-rugovist, pa ndonjë qëllim të keq, por, thjesht, nga pakujdesia e tyre.

Duhet t’u kujtojmë këtu të gjithë analistëve, sidomos, atyre që në një mënyrë a në një tjetër dëshirojnë të bëjnë emër në kurriz të Simbolit Kombëtar Shqiptar, ADEM JASHARI dhe të familjes së tij, se pikësynimi parësor i Adem Jasharit ka qenë lufta e pakompromis me këdoqoftë për t’ia kthyer fisnikërisht pjesët e saj Shqipërisë, atdheut të të parëve tanë, Kosovën dhe viset tjera të pushtuara etike shqiptare, për çka ai dhe familja e tij dhanë kontributin më madhor kombëtar në historinë e shqiptarëve. Pra, kjo bën të kujtojmë e të kuptojmë se ADEM JASHARI kurrë nuk ka menduar as luftuar për, siç po ia mveshin disa, pavarësinë e Kosovës, por, ADEM JASHARI, familja dhe farefisi i tij, me të gjithë shokët e idealit, sikurse të gjithë shqiptarët-shqiptarë, brez pas brezi, kanë punuar pandërprerë për kthimin e gjymtyrëve të prera trupit të natyrshëm shqiptar, SHQIPËRISË.

I një qëllimi të tillë “fisnik” është edhe togfjalëshi ‘Bac, u kry!’ dhe sihariqe të tjera të papeshuara të shumë “patriotëve” e “burrave të mirë”, të cilat, thënë urtisht, po i shfrytëzojnë të gjithë profiterët e luftës së lavdishme të UÇK-së... Por, pse të lejojmë sot të bihet në grackat dhe karremët e politikës ditore të ‘burrave të mirë’ “shqiptaro”-titistë, të cilët e shanë luftën e lavdishme të UÇK-së sa e si mundën, kurdo që u erdhi ndoresh... Po, a është me mend dhe me vend që sot t’u besohet pasardhësve të atyre që pritën me lule në duar fashizmin italian në Shqipëri, pasardhësve të atyre që pritën me lule në duar fashizmin gjakatar titist në viset e pushtuara shqiptare dhe e madhëruan atë në emër të “bashkim-vëllazërimit”, gjithnjë në kurriz të popullit shqiptar dhe të viseve të pushtuara etnike shqiptare, që pasardhësit e atyre e këtyre lulengridhëve e kuislingëve, sot, gjithë temena presin “shpëtimtarët” e kombit e të atdheut tonë, dhe, ky, atdheu i ynë, pra, SHQIPËRIA, ende vazhdon të jetë edhe më i copëtuar seç ishte deri më sot. Kjo do të thotë, thënë mëse urti, se sot, pasardhësit e atyre e këtyre lulengridhëve, sillen sikurse me aleatët, ashtu edhe me “aleatët” e kombit e atdheut shqiptar - SHQIPËRISË... Dhe, kjo është kulmi i mizorisë vetë...

Prandaj, sot, është e pafalshme që të bihet në grackat dhe karremët e “patriotëve” ‘shqiptaro”-titistë dhe aleatëve të tyre, kudo dhe kushdo qofshin ata.

Pra, Simboli Kombëtar Shqiptar, ADEM JASHARI, kurrnjëherë nuk ka luftuar për pavarësinë e Kosovës, as për krijimin e “kombit kosovar”, as për gjuhën “kosovarishte” të kryeakademikut të Akademisë së Shkelmave të Kosovës, as për flamurin “kosovar”, as për himnin “kosovar”, as... Por, Simboli Kombëtar Shqiptar, ADEM JASHARI, me të gjithë shokët e idealit ka punuar dhe luftuar për Shqipërinë – SHQIPËRI, pikërisht, ashtu siç e donte Kryebaca i Madh, SHABAN JASHARI dhe të gjithë shqiptarët – shqiptarë. Dhe, pikërisht, këtu qëndron madhështia kombëtare e Familjes Jashari, e Adem Jasharit dhe bashkëluftëtarëve e bashkëudhëtarëve të tij të idealit shqiptar...

Dhe, kur jemi këtu, duhet ta themi troç, kur dihet saktësisht se kush luftoi e punoi, dhe me urdhëra të kujt, për ta bërë “Pavarësinë e Kosovës”..., sepse, broçkullat dhe profkat e tilla nuk e kanë as më të voglin vend në veprimtarinë kombëtare e atdhetare të Adem Jasharit, bashkëmendimtarëve dhe bashkëluftëtarëve e bashkëmoshatarëve të tij, të cilët dhanë edhe jetët e tyre të çmuara për ta bërë Shqipërinë – SHQIPËRI.

Prandaj, mveshja e “sihariqeve” të tilla “kombëtare” Adem Jasharit dhe shokëve të tij të idealit shqiptar, nuk u bën nder vetë analistëve, por, as përkrahësve të parezervë të tyre... Dihet se për “pavarësinë e Kosovës” punoi dhe veproi kryedemagogu Rugova dhe përkrahësit e bashkëmendimtarët e tij kudo, prandaj, u shpik “shteti kosovar”, “kombi kosovar”, “gjuha kosovarishte”, “flamuri kosovar”, “himni kosovar”, “universiteti kosovar”, “mjekësia kosovare”, “shkolla kosovare”, gjyqësia kosovare”... Dhe, të gjitha këto t’i mvishen sot Adem Jasharit e bashkëluftëtarëve të tij është tepër e pafalshme, është jonjerëzore, jokombëtare, joatdhetare, jofisnike dhe jo e jo të tjera, të shumta, të të gjitha fushave të mendësisë shqiptare.

Prandaj, kishte shumë të drejtë analisti Koço Danaj, kur thoshte me plot gojën: Kanë frikë të jenë shqiptarë...

Ngutshmëria e pamenduar dhe e papeshuar vetëm sa për të thënë diçka, shpeshherë çon aty ku nuk duhet, prandaj, është mirë, është tepër njerëzore dhe kombëtare, që figurave të ndritshme kombëtare të mos u mveshim gjëra të pamira, që nuk kanë qëndruar kurrë në mendësinë e tyre shqiptare, sepse, shqiptarët – shqiptarë gjithmonë kanë punuar dhe luftuar për ta bërë Shqipërinë – SHQIPËRI, që ishte edhe pikësynimi parësor i Adem Jasharit dhe shokëve të tij të idealit shqiptar, të cilët është mirë t’i lëmë të prehen të qetë në tokën shqiptare për të cilën dhanë jetët e tyre, në kulmin e lulëzimit të tyre shqiptar.

Prandaj, nuk është mirë që kaq lehtë të bihet në grackat dhe karremët e “politikës shqiptare”, që imponohet përdhunshëm e botërisht nga pasardhësit ibrahimrugovistë dhe qarqe tjera “shqiptare”, sidomos, kur flasim e shkruajmë për ata që dhanë jetën e tyre për ta bërë Shqipërinë – SHQIPËRI.

Burojë, 7 prill 2008

(Autori është poet dhe publicist i pavarur shqiptar)

---------

• TITUJ TË NGJASHËM

[ Opinione ]

...KAH PO SHKON SHOQËRIA SHQIPTARE, PSE PO DEGJENEROHET DHE PSE PO LËNGON AJO?! (2008-10-05 12:43:58 nga admin4)

[ Intervista ]

Pse nuk e pranova Berishën në grupin e mjekëve të Enverit ... (2008-10-03 13:36:24 nga admin4)

[ Lajmet kryesore ]

Jovanoviç: Nëse ndahet Kosova, pse të mos ndahet Serbia (2008-10-01 15:16:58 nga admin1)

[ Opinione ]

PSE KAQ SHUMË FRIKË NGA KËRKESAT SERBE? (2008-09-26 01:47:11 nga admin4)

[ Opinione ]

Pse gjithë kjo e turrur pas trupit koordinues (2008-09-22 02:12:00 nga admin4)