Godo: Grekët po na kërcënojnë :: DERVINA.COM

Arkivi i lajmeve
Për vitet 2006,2007 dhe 2009

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» Godo: Grekët po na kërcënojnë

Postuar më datën: 2006-11-09 23:55:26 nga Arben Dervina :: Kategoria: Lajmet kryesore

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Vendimi i qeverisë greke për dyshtetësinë e minoritarëve grekë në Shqipëri, shkel Kushtetutën e vendit tonë”. Ky është alarmi i dhënë dje nga politikani Sabri Godo, një nga hartuesit e Kushtetutës së vendit tonë. Gjatë një prononcimi për mediat dhënë dje, Godo u shpreh se vendimi i qeverisë së Athinës është një precedent i rrezikshëm. “Mesa duket, qeveria parashikon që ne të bëjmë dhe një ndryshim në Kushtetutë; që të pranohet një praktikë e tillë, dhe unë nuk e di sesi një shtet mund të vendosë apo të marrë nismën për t’i kërkuar një shteti tjetër që të ndryshojë ligjet e veta, të ndryshojë dokumentin themelor të shtetit, vetëm e vetëm se kjo i përshtatet politikës që do të bëjë një qeveri fqinje për interesat dhe nevojat e saj”, - deklaroi Sabri Godo. Ai theksoi dje, se në këtë rast shkelen të drejtat ndërkombëtare dhe duhet të ndërhyjnë institucionet e rëndësishme evropiane. “Greqia, kurrsesi nuk mund të ndërmarrë vendime dhe të kryejë operacione të atilla, sikur nuk është e kondicionuar nga asgjë, sikur nuk ka asnjë lidhje”, - tha Godo. Sipas tij, është një arbitër i fuqishëm dhe me autoritet të madh siç është Komuniteti Evropian, Parlamenti Evropian, OSBE-ja dhe institucione të tjera të rëndësishme.

AGRESIVITET?!
Në vlerësimin e tij, ky vendim “reflekton një agresivitet të madh politik, pasi tentohet për një strategji të re kërcënuese të Greqisë ndaj vendit tonë”. Sipas Godos, dhënia e nënshtetësisë kolektive nuk qëndron ndaj dhe vendimi është i papranueshëm, pasi krijohet një situatë e paparashikuar, në rast se edhe Shqipëria synon ta bëjë një gjë të tillë me shqiptarët në Maqedoni apo Mal të Zi. Ky vendim sipas Godos, është marrë vetëm për interesa elektorale në vendin fqinj, “por sipas tij, një vend fqinj nuk mund dhe nuk duhet të cenojë një shtet tjetër, që në rastin konkret është Shqipëria”. Bashkëhartuesi i Kushtetutës shpjegon atë çfarë parashikon dokumenti themeltar për rastin e dynënshtetësisë së minoriteteve. “Fjala vjen, çdo të ndodhte sikur qeveria shqiptare t’u jepte nënshtetësinë gjithë shqiptarëve të Maqedonisë apo në Mal të Zi?. Në qoftë se mbështesim vendimin e qeverisë greke, atëherë edhe ne e marrim një të drejtë të tillë. Kushtetuta jonë e pranon që të jepet dyshtetësia, por në mënyrë individuale dhe bëhet nga Presidenti i Republikës, me miratimin e tij”, - tha Godo.

DULE: VENDIM I DREJTË
Kryetari i PBDNJ-së, Vangjel Dule mirëpret vendimin e Athinës zyrtare për dhënien e nënshtetësisë greke, popullsisë minoritare në Shqipëri. Ai pranon se dynënshtetësia merret në mënyrë individuale, por sipas tij, kjo do varet nga aktet nënligjore të vendimit që ka marrë qeveria greke. “Natyrisht që kërkon aplikim individual. Është një çështje që në aspektin praktik gjykohet dhe vendoset në rrafshin individual. Rrjedhimisht se kë do prekë, sa do prekë dhe kur do t’i prekë, mbetet për t’u parë në aktet nënligjore që do të rrjedhin nga ky vendim që ishte një vendim në parim”, - tha Dule. Kryetari i PBDNJ-së shtoi se minoritarët që jetojnë në Shqipëri, pas marrjes së nënshtetësisë greke nuk janë të detyruar që të lënë nënshtetësinë shqiptare. “Pasi, - sqaroi Dule, vendimi i qeverisë greke është në përputhje me rregullat e Bashkimit Evropian. “Edhe ky vendim është konform legjislacionit në fuqi në Bashkimin Evropian dhe garanton pikërisht dy nënshtetësi”, - tha Dule.

BERISHA: JEMI OK ME VENDIMIN
Kryeministri, Sali Berisha, e ka vlerësuar dje vendimin e qeverisë helene për t’u dhënë nënshtetësinë greke të gjithë qytetarëve shqiptarë minoritarë, si një vendim “që është në kuadrin e normalizimit të mëtejshëm të jetës së tyre”. Kreu i qeverisë ka shprehur pakënaqësi ndaj mediave që, sipas tij, e deformuar këtë vendim. “Ky vendim është marrë për qytetarët që jetojnë dhe punojnë në Greqi, gjë të cilën unë e shoh si një përparësi për ta”, ka theksuar Berisha. Sipas tij, Greqia dhe të gjitha vendet anëtare të BE-së të mund t’ua japin nënshtetësinë sa më shpejt të jetë e mundur të gjithë emigrantëve që punojnë aty. “Nuk është pasaporta ajo që ndryshon kombësinë, as dhe identitetin kombëtar. Ky është një akt që lehtëson jetën e qytetarëve me origjinë shqiptare në Greqi, në Itali, në Gjermani apo kudo që ata mund të ndodhen”, ka nënvizuar kryeministri.

ARTEMIDA ÇOLLAKU
a.collaku@gazetashqiptare.com

---------

• TITUJ TË NGJASHËM

[ Lajmet kryesore ]

Godo: Shqipëria ta pranojë e para pavarësinë e Kosovës (2007-11-11 04:36:25 nga admin4)

[ Opinione ]

Godo: Çështja çame, një problem i pastër politik (2007-01-16 07:04:33 nga F.S)

[ Lajmet kryesore ]

Lind Partia naziste shqiptare: Armiqte tane jane sllavet dhe greket (2008-06-01 02:53:23 nga admin2)

[ Lajmet kryesore ]

Grekët e Amerikës: Bllokoni negociatat e Shqipërisë për në BE (2007-07-06 20:34:48 nga admin2)

[ Opinione ]

Faton Klinaku:Mospajtime rreth Ditës së Çlirimit të Shqipërisë, ndërsa Shqipëria mbahet ende e pushtuar nga sllavët e grekët (2006-12-07 14:33:50 nga Flori Bruqi)