| » Opcionet për artikullin |
|
Plani, qe asnjehere nuk eshte zbuluar per opinionin, i eshte dorezuar presidentit serb, Tadic, vetem pas dorezimit te tij ne UNMIK. Propozimi i dorezuar ne UNMIK, eshte mbeshtetur nga perfaqesuesit e serbeve te veriut te saj
Nje plan serb per krijimin e klimes se ndarjes funksionale te serbeve dhe te shqiptareve te Kosoves, eshte derguar ne seline e OKB-se ne New York, pas incidenteve te dhunshme te javes se kaluar ne veri te Mitrovices.
Ministri serb per Kosoven, Slobodan Samarxhic, ne dy takimet para nderhyrjes se policise nderkombetare ne gjykaten ne veri, i ka propozuar misionit nderkombetar nje ndarje mbi vijat entike te Kosoves dhe jo vetem ne veriun e saj.
Propozimi thuhet se perfshin edhe te drejten e serbeve te Kosoves per te qeverisur ne fushen e drejtesise dhe per te vendosur edhe sistemin doganor, nese Prishtina zyrtare do te vendoste te ndalonte qarkullimin e lire me Serbine.
Sic ben te ditur BBC, propozimi i dorezuar ne UNMIK, eshte mbeshtetur nga perfaqesuesit e serbeve te veriut te saj, megjithese nje pjese e udheheqesve serbe e kane cilesuar ate te parealizueshem per momentin.
Njeri nga perfaqesuesit serbe te Kosoves, Oliver Ivanovic ka bere te ditue se ndarja mes bashkesive etnike ne Kosove ekziston dhe ajo daton, thote ai, qe prej 15 vjetesh. Sipas tij, nje pjese e problemeve juridike, veshtire se mund te zgjidhen ne Kosove.
"Mendoj se plani i zotit Samarxhic nuk eshte i realizueshem, ose te pakten ne nje afat te shkurter nuk eshte i realizueshem. Eshte shume e veshtire te mendohet se si do te zgjidhen problemet juridike ndermjet nje serbi dhe nje shqiptari dhe pergjegjec ceshtje gjyqesore te pronesise se serbeve ende presin qe te zgjidhen dhe nuk e dime se cila gjykate do ta beje kete. Kjo me sjell ne perfundimin se kjo s'ka shume kuptim, sepse per kete ēeshtje nuk eshte diskutuar keshtu gjate bisedimeve qe jane zhvilluar ne Vjene", ka thene Ivanoviq.
Megjithate, Oliver Ivanovic ka shtuar se ndarja mund te shtrohet serish si zgjidhje pas nje periudhe kohore.
Ndarja e Kosoves mbi vijat etnike eshte perjashtuar perfundimisht nga autoritetet e Prishtines. Zyrtaret kosovare kane thene se ruajtja e teresise tokesore eshte pergjegjesi e forcave paqeruajtese te NATO-s dhe se ndarja e Kosoves, sipas tyre, nuk eshte e mundur.
"Logjika e ndarjeve etnike ka dominuar ne vitet 80-te e 90-te, ndoshta e nxitur nga vete politika serbe. Kjo logjike e ndarjeve etnike sot eshte e pakuptimte, aq me teper nese mbrohet nga ndonje qeveri e caktuar. Qeveria e Serbise duhet te perkujdeset me shume per fazen e bashkepunimit ndershteteror e nderetnik, e me pak per fazen e konfrontimeve te reja", tha zevendeskryeministri i Kosoves, Hajredin Kuci.
Plani, qe asnjehere nuk eshte zbuluar per opinionin, i eshte dorezuar presidentit serb, Tadic, vetem pas dorezimit te tij ne UNMIK.
Misioni i OKB-se thote se planin e ka derguar per nje shqyrtim te metejshem ne New York, megjithese vendet perendimore kane reaguar duke mos e pranuar ndarjen e Kosoves.
balkanweb
25.03.2008 |
|
