Këndvështrim rreth rolit dhe ndikimit të LSHB-së në qarqet diplomatike botërore :: DERVINA.COM

Arkivi i lajmeve
Për vitet 2006,2007 dhe 2010

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» Këndvështrim rreth rolit dhe ndikimit të LSHB-së në qarqet diplomatike botërore

Postuar më datën: 2008-12-23 05:42:17 nga admin4 :: Kategoria: Kultura

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Ngjarjet tragjike në Kosovë, na mësuan se faktor mjaft i rëndësishëm për afirmimin e zgjidhjes së çështjes kombëtare është dhe përkrahja e arsyeshmërisë dhe e trajtimit të drejtë të kësaj çështjeje nga ana e opinionit ndërkombëtar.
Të gjithë e kemi të qartë se, edhe në të kaluarën pak më të largët, fytyra të rëndësishme të Rilindjes sonë kombëtare i dhënë rëndësi të posaçme këtij faktori, siç veproi eruditi ynë, Hasan Prishtina, i cili, duke dërguar letra e memorandume tek instancat më të larta ndërkombëtare, i sensibilizoi aq shumë pazarllëqet e bëra me trojet tona, sa që çështja tmerruese e shqiptarëve nga hegjemonizmi serbomadh ishte bërë objekt shqyrtimi në forumet ndërkombëtare. Ai, pra, Hasan Prishtina, nuk përfilli çifligje e poste, siç i premtoi Perandoria osmane, por punoi e veproi pa lodhje dhe treti gjithçka pati për komb e vatan. Punë të devotshme bënë edhe personalitete të tjerë, klubet dhe shoqatat në mërgim. Edhe pas ngjarjeve revolucionare të 81-shit, përpjekjet e organizatave, individëve, shoqatave dhe të Lobit shqiptar në SHBA, s’kanë munguar, mirëpo, për shkak të makinerisë shfrenuese gënjeshtare të Beogradit,opinioni ndërkombëtar e bëri veshin e shurdhër. Pas suspendimit të Autonomisë, pra, pas okupimit të Kosovës dhe shndërrimit të saj në kamp ushtarak; pas protestave masovike gjithëshqiptare, mandej të Grevës së minatorëve e më ne fund, pas luftës heroike te trimit dhe heroit legjendar, Adem Jashari dhe heronjve trima të UÇK-së, qe ranë fli për lirinë e Pavarësinë e Kosovës martire, masmediat e huaja, duke ofruar të dhëna rreth gjenocidit, spastrimit etnik dhe masakrave të kryera nga ana e çetnikeve gjakpirës të kasapit të Ballkanit- Milosheviq, Faktori ndërkombëtar, dalë nga dalë filloi të aktivizohet e të kuptojë de fakto realitetin.
Për t’i ardhur në shërbim popullit të vet, si dhe për të sensibilizuar dhe afirmuar çështjen tonë kombëtare në instancat më të larta ndërkombëtare, lindi dhe lëshoi shtat Lidhja Shqiptare në Botë, e cila më 26 e 27 Nëntor, në qytetin historik të Prizrenit, mbajti Kongresin e Parë madhor mbarëkombëtar, në të cilin, jo vetëm që u miratuan të gjitha dokumentet e LSHB -së, por në atë Kongres për herë të parë në historinë e popullit tonë, njëzëri u miratua dhe përshëndet nga më se dy mijë delegatë të ardhur nga mbarë bota-Platforma kombëtare. Kurse, më 27 e 28 tetor te këtij viti, ne Tirane u mbajt Kongresi i Dytë i kësaj Lidhjeje, qe u ndoq me mjaft interes.
Që nga themelimi i saj, LSHB-së filloi të trokasë nëpër dyert e diplomacive evropiane e botërore. Ky sensibilizim, më së qarti u vu në dukje me rastin e aktit sublim të ngurosjes në Grevën 13 ditore të urisë, që u mbajt në Bruksel të Belgjikës, nga drejtuesit e LSHB -së, vëllezërit Simon e Mikel Kuzhnini, të evroparlamentarit – Bart Staes e të z. Ramiz Zekolli, për lirimin e 7000 të burgosurve e të rrëmbyerve nga Kosova; ndërsa siç dihet, një pjesë e të cilëve akoma edhe sot e kësaj dite mbahen peng nëpër kazamatet e Serbisë. Me këtë rast, të gjitha masmediat e opinionit demokratik evropian, Grevës së Brukselit i dhënë publicitet të jashtëzakonshëm, kështu që me javë të tëra u shkrua e u fol rreth saj.
Vlen të përmendet se, të vetmit e të parët që u solidarizuan në vepër me Grevën e Brukselit qenë katër anëtarët e Kryesisë të LSHB-së për shtetet skandinave. Edhe Greva shtatëditore ne Malme, bëri jehonë e sensibilizim, jo vetëm në masmediat suedeze, siç janë:-shtypi, TV1, TV 2 dhe TV4, por edhe në mbarë Skandinavinë. Në fakt, siç deklaruan shumë bashkëkombës, Greva e parë 7-ditore e urisë në Malme bëri sensibilizim aq të madh tek opinioni skandinavik, sa që edhe pesë protesta s’do ta arrinin atë efekt.
Vlen te përmenden se për zbulimin e me se dymijë te zhdukurve shqiptar, ne Suedi, u mbajtjen dhe katër greva te urisë, qe i organizoi katër viteve të fundit, LSHB dhe Shoqata e Miqësisë Suedi-Kosove, e prire nga humanisti dhe miku me i madh i shqiptareve, z. Anders Wessman, alias Iliriani.
Pra, ky qe hapi i parë dhe përpjekja e parë e vëllezërve të nderuar Kuzhnini dhe e Udhëheqësisë së saj, e përbërë kryesisht nga intelektualë e aktivistë të shquar të popullit tonë, që de fakto dhe para mbajtjes së Kongresit dëshmoi se ky asociacion i pavarur i të gjithë shqiptarëve në botë është, jo vetëm për bashkimin, afrimin e bashkëpunimin e të gjitha shoqatave, asociacioneve e individëve në Diasporë, por edhe për të sensibilizuar dhe trokitur në dyert e diplomacisë evropiane e botërore; për t’i kërkuar dhe mbrojtur të drejtat e shqiptarëve kudo në botë.

NISMËTARËT E PARË TË LSHB-së
Vëllezërit tanë të nderuar, Simon e Mikel Kuzhnini, duke pasur dashuri të madhe ndaj kombit e atdheut dhe, duke dashtë t’i vijnë në shërbim popullit të vet 2168 vjet të robëruar, saktësisht, mu në vazhdën e ngjarjeve më traumatike të popullit tonë, në kohën kur populli shqiptar u gjend para një sprove të rëndë e dinjitoze, pjesa më e ndërgjegjshme e Komunitetit shqiptar, nën nismën e vëllezërve Kuzhnini e të disa intelektualëve të shquar, siç janë, zotërinjtë: Esat Stavileci, Pajazit Nushi e të tjerë, në qytetin Mynih të Gjermanisë, themeluan LSHB, me moton që të gjitha shoqatat, asociacionet dhe individë intelektualë, të koordinojnë aktivitetin e tyre fisnik e të bashkëveprojnë për të mirën e popullit tonë të ndarë në pesë shtete.
Pas takimit të Mynhenit filloi organizimi rreth mbajtjes së kuvendeve nëpër komunitete të Evropës e gjetkë. Kuvendi i Parë i LSHB-së u mbajt në Malme të Suedisë, më 20.11.1999, në të cilin morën pjesë 385 delegatë nga mbarë Skandinavia, në të cilin Kuvend, të gjithë përfaqësuesit e asociacioneve, shoqatave e subjekteve politike, njëzëri mbështetën Projektprogramin, Statutin dhe Rregulloren e L SH B-së, duke u betuar se të gjithë tok së bashku do të punojnë e veprojnë bashkërisht për të mirën e Kombit e të Atdheut.
Njëzëri, u vendos që ky bashkëveprim i të gjitha asociacioneve e shoqatave do të jetë një akt i ndërgjegjes kombëtare për të bashkuar të gjitha forcat individuale të intelektualëve në Diasporë, kështu që LSHB-së do të funksionojë si asociacion mirëkuptimi e respekti në mes shqiptarëve, pa marrë para sysh pikëpamjet ideologjike, rajonale apo fetare, duke e riaktivizuar e rivitalizuar moton e Rilindjes sonë kombëtare: - Feja e shqiptarit është shqiptarizmi, filozofia politiko - patriotike e së cilës është e do të mbetet më universalja e më e vlefshmja për shpirtin shqiptar kudo në botë.
Dashtë Zoti që ky vit, t’i ofrojë e bashkojë gjithë shqiptarët!

Gëzuar Krishtlindjet dhe Vitin e Ri 2009!

Me nderime: I. Egriu

Pamje nga Greva e urisë në Malme - Suedi, që e organizoi LSHB-së

E nderuara familja Kuzhnini!
Të dashur motra e vëllezër, bijë e bija të Ilirisë!
Përmes këtij urimi, së pari jua përkujtojmë 9-vjetorin e Grevës së parë të urisë e të 5-grevave të tjera, që u organizuan në Suedi.
Saktësisht më 23 dhjetor, pra, para tetë vjet, kryetari i L SH B-së, z. Simon, me grupin, në Qendrën më të madhe politike e diplomatike të Evropës-Bruksel, për lirimin e mbi 7000 të burgosurve e të rrëmbyerve nga Kosova, dy javë rresht u ngujuan në grevë urie, kurse Greva 7-ditore në Suedi, filloi Natën e Vitit të Ri 2000.
Pra, në Ditëlindjen e Krishtit dhe Natën e Vitit të Ri 2000, kur të gjithë njerëzit e botës, hanin e pinin gjëra të zgjedhura, Ju dhe ne me shokë luftonim mes jetës e vdekjes. E çfarë mund të jepnit më shumë se jetën, veçanërisht Ju z. Simon ? Por jeta ju duhej dhe na duhej, sepse punë të tjera të mëdha ju prisnin t’i kryni për hir të popullit të shtypur shekuj me radhë. Ju priste dhe mbajtja e Kongresit më të madh historik i L SH B. ndaj, sot, në prag të kremteve, Juve të gjithëve:
Në emër të mbarë Komunitetit Shqiptar të LSHB-së për shtetet skandinave, nga zemra jua përcjellim urimet më të përzemërta me rastin e festës së Madhe të Krishtlindjes, pra, të 2008 vjetorit të lindjes së Profetit të madh-Krishtit, me dëshira të zhuritura dhe me lutje drejtuar Zotit të vërtetë që kjo kremte, të gjithë njerëzve mirëbërës në botë dhe popullit tonë të shumëvuajtur t’u sjellë begati, afrim me njëri - tjetrin, bashkim, tolerancë dhe mirëkuptim, sepse, vetëm në atë mënyrë do të kemi mundësi të marshojmë paralel me popujt e qytetëruar të botës e, vetëm në atë mënyrë mund t’i realizojmë synimet tona shekullore, që pas Pavarësimit të Kosovës, në një të afërme të shpejtë, të gjithë shqiptarët bashkohen shpirtërisht e fizikisht.
Gëzuar Krishtlindjet dhe. meqë gjendemi në vigjilje të Vitit të Ri 2009, urojmë që ky vit le të je të vit i realizimit të idealeve e aspiratave tona kombëtare, vit i mirëkuptimit, i dashurisë, i respektit dhe i tolerancës së shqiptarëve kudo në botë.
Përshëndetje vëllazërore nga Skandinavia.

Me dashuri e respekt, I. Egriu

Malme, 23 dhjetor 2008

---------

• TITUJ TË NGJASHËM

[ Opinione ]

ARTI I BINDJES -PROPAGANDA NGA KËNDVËSHTRIMI PSIKOLOGJIK (2008-09-07 05:25:38 nga admin1)

[ Kultura ]

Dashuria…Këndvështrim i papritur, këndvështrim universal (2008-04-16 12:28:06 nga admin4)

[ Opinione ]

Përkujtojmë 41-vjetorin e tërmetit katastrofal të Dibrës me rrethinë (2008-11-30 08:48:32 nga admin4)

[ Opinione ]

PAK FJALË RRETH GJENDJES AKTUALE QË PO KALON KOSOVA! (2008-10-18 09:50:05 nga admin4)

[ Lajmet kryesore ]

Hollësi të reja rreth planit të shpëtimit (2008-09-20 01:48:08 nga admin2)