Referendumi serb nuk ndërron asgjë, thuhet ne shtypin amerikan :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» Referendumi serb nuk ndërron asgjë, thuhet ne shtypin amerikan

Postuar më datën: 2006-10-30 03:51:15 nga Arlind Nushi :: Kategoria: Lajmet kryesore

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Konstatimi në preambulën e kushtetutës së Serbisë, për Kosovën si pjesë e të saj, nuk do të ndryshojë asgjë, thonë SHBA, pohon e përditshmja The New York Times, duke u thirrur në burime diplomatike amerikane. Referendumi u quajt i suksesshëm sipas pushtetarëve serbë, dhe një falsifikim të madh sipas kundërshtarëve të saj. Mediat e shkruara dhe elektronike amerikane njoftojnë për referendumin për kushtetutën e re të Serbisë, duke paraqitur si të suksesshëm sipas pushtetarëve serbë, mirëpo duke e quajtur edhe si një falsifikim të madh sipas kundërshtarëve të saj, ku njerëzit pa asnjë identifikim kishin votuar disa herë.

Gjithsesi njoftimi për një dalje masive dje në orët e mbrëmjes mbetet enigmatik të paktën apo- thënë troç- një gënjeshtër dhe kurdisje për të shpëtuar sadopak atë gjysmë fytyre politike që iu ka mbetur trashëgimtarëve të Millosheviqit dhe Sheshelit. Ndonëse politikanët serbë u munduan të motivojnë votuesit për dalje, sepse me këtë deklaroheshin dhe vendosnin për Kosovën si pjesë integrale të Serbisë, shtypi këtu vlerëson se sipas diplomatëve perëndimorë, vetëm bisedimet ndërkombëtare do të vendosin për të ardhmen e Kosovës të cilën shqiptarët e duan të pavarur. Neni mbi Kosovën si pjesë të Serbisë, sipas Shteteve të Bashkuara të Amerikës, nuk do të ndryshojë asgjë, shkruan e përditshmja The New York Times. Gazeta më tej, duke cituar këto burime diplomatike thekson se pavarësisht kundërshtimeve të Serbisë, Kombet e Bashkuara pritet t’i njohin Kosovës një formë të pavarësisë. Ndonëse kushtetuta nuk do të ndikojë në zgjidhjen e çështjes së Kosovës, ajo mund të ndikojë në ngritjen e tensioneve midis shqiptarëve dhe serbëve, thekson shtypi. Drafti i kushtetutës me të meta të mëdha, i hartuar shpejt e shpejt, më tepër ka qenë një përpjekje e politikanëve serbë për të shprehur qëndrimin e tyre politik për Kosovën se sa një përpjekje e drejtimit të vendit kah demokracia e mirëfilltë. Kushtetuta e re gjithashtu vlerësohet të jetë një vazhdimësi e politikës prej mbi dy dekadash të Millosheviqit. Ky është dokumenti më i rëndësishëm për të cilin vendoset në Serbi gjatë viteve të fundit, megjithatë kjo bëhet për çështje krejtësisht taktike, komenton një diplomat i paemëruar për gazetën The New York Times. Moskomentimin e dokumentit nga Këshilli i Evropës apo OSBE-ja, gazeta e quan më tepër si një interes i tyre për një stabilitet afatshkurtër në Serbi se sa një interes i mirëfilltë afatgjatë të saj.
(S.Gashi) RTK

---------

• TITUJ TË NGJASHËM

[ Opinione ]

ALTERNATIVA POLITIKE EULEX-IT-2- SERBOMADH- REFERENDUMI (2008-11-14 15:56:22 nga admin1)

[ Opinione ]

REFERENDUMI I KOSOVËS LINDORE (2008-03-03 12:36:05 nga admin4)

[ Opinione ]

REFERENDUMI-ZGJIDHJA E VETME PAQËSORE E PROBLEMIT KOLONIAL TË KOSOVËS! (2007-07-16 12:57:36 nga admin1)

[ Opinione ]

Kush e hëngër Referendumin e premtuar nga bashkësia ndërkombëtare ? (2007-03-27 13:21:47 nga admin1)

[ Opinione ]

Serbine lereni ne dalldine e vet, Shqiptaret te bejne referendumin e tyre (2006-11-04 12:43:37 nga Arben Dervina)