Elektrik dore me energji diellore - përgjigja më e mirë në mungesë të dritave :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» Elektrik dore me energji diellore - përgjigja më e mirë në mungesë të dritave

Postuar më datën: 2007-12-06 15:08:10 nga admin4 :: Kategoria: Tech-Info

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Projekti i elektrikëve të dorës filloi disa vjet më parë në Afrikë ku ish diplomati amerikan Mark Bent punonte për një kompani nafte. Ai thotë se njerëzit në shumë zona të varfra ishin të ngujuar në errësirën e natës, pa mundësi për të lexuar, punuar apo për t’u larguar nga shtëpitë e tyre, të pasigurt për atë që mund t’i priste. “Komunikimi social në Afrikë ndalon kur perëndon dielli. Elekrikët e dorës mund t’i gjesh në tregjet afrikane, por janë të shtrenjtë dhe bateritë nuk shkojnë gjatë”. Kështu që Mark Bent investoi kohën dhe paratë e tij për të zhvilluar elektrikët solarë. “Ky është një panel diellor. Është një panel polisilikoni dhe prodhon energji kur goditet nga dielli. Elektriciteti më pas depozitohet brenda elektrikut në bateri që mund të rikarikohen. Gjatë natës kjo energji që është ruajtur emetohet në dioda dhe jep dritë”. Bateritë që rikarikohen shkojnë nga 750 deri në 1 mijë net në varësi të përdorimit.

Një nga të mirat bazë të këtyre elektrikëve është se ato mund të pakësojnë përdorimin e llambave me vajgur dhe ndotjen e ajrit. “Një llambë vajguri lëshon një qind kilogram gaz karbonik në vit. Vërtet nuk është shumë, por kur konsideron se një e treta e planetit, gati 2 miliardë njerëz përdorin këto llamba për ndriçim kjo është një sasi e madhe”.

Me mbështetje financiare nga Exxon Mobil dhe disa korporata të tjera donatore, Bent ka paraqitur elektrikët e tij të dorës në mbarë Afrikën dhe në pjesë të tjera të botës. Ai po inkurajon gjithashtu amerikanët t’i blejnë ato përmes një plani të veçantë, nga i cili përfitojnë edhe për vende të tjera.
“Unë krijova programin bli një, dhuro një. Një amerikan mund të blejë elektrikun për 25 dollarë. Dhe unë do të dërgojë nga depoja ime në Houston me të njëjtat para, një elektrik dikujt në nevojë në vendet në zhvillim”. Mark Bent po shikon mundësinë e shfrytëzimit të aplikimeve të tjera nga energjia solare për zonat e varfra të botës.

Një pajisje që do të përdorte panelet diellore për të furnizuar me energji sistemin e pastrimit të ujit. Një tjetër do të përdorë insekticidet natyrore për të luftuar mushkonjat që shkaktojnë malarien.“Të gjitha këto kërkojnë pak energji dhe të gjitha mund të realizohen por askush nuk e ka parë me seriozitet këtë praktikë më parë”. Mark Bent ka plot ide, po synimi i tij kryesor është të ndihmojë të varfrit t’i shpëtojnë errësirës duke përdorur forcën e diellit.

VOA
4.12..2007

---------

• TITUJ TË NGJASHËM

[ Lajmet kryesore ]

Perkeqesohet furnizimi me energji elektrike ne Kosove (2008-04-21 15:05:13 nga admin4)

[ Lajmet kryesore ]

Tubim Përkujtimor në Kosovën Lindore (2008-07-14 09:24:13 nga admin1)

[ Opinione ]

FJALIM I LEXUAR NË MBLEDHJEN PARAKUVENDORE TË KUVENDIT MBARËKOMBËTAR (2008-06-20 15:10:40 nga admin4)

[ Lajmet kryesore ]

HEDHJA E GURIT – FSHEHJA E DORËS (2008-05-29 05:09:01 nga admin4)

[ Lajmet kryesore ]

Qeveria miraton projektligjin për festa shtetërore, heq dorë nga festat kombëtare si 28 Nëntori (2008-05-19 11:04:15 nga admin2)