Perleshje ne Mitrovice. NATO paralajmeron: Do t'i pergjigjemi dhunes :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» Perleshje ne Mitrovice. NATO paralajmeron: Do t'i pergjigjemi dhunes

Postuar më datën: 2008-03-17 09:45:11 nga admin4 :: Kategoria: Lajmet kryesore

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Perleshjet kane nisur pasi agjentet e UNMIK kane hyre ne ambjentet e gjykates te cilat i kishin liruar nga serbet qe ndodheshin atje prej 3 ditesh.

Dhuna ne Mitrovice, NATO paralajmeron kunderpergjigje

Ora 14:45 Forcat e paqes se NATO-s ne Kosove do te perballojne me vendosmeri cdo lloj dhune ne Mitrovice, bazuar ne mandatin e dhene nga Kombet e Bashkuara per veprim. Keshtu ka deklaruar sot zedhenesi I Aleances, James Appathurai. “Nato denon ashpersisht dhunen qe pame sot ne Kosove” ka thene zedhenesi.

Britania dënon sulmet ndaj policisë së UNMIK-ut

Ora 14:35 Britania e Madhe dënon sulmin ndaj policisë së UNMIK-ut në pjesën veriore të Mitrovicës. "Ne i dënojmë totalisht këto veprime të dhunshme të drejtuara kundër personelit të KB-së dhe NATO-s, që kanë për qëllim t'i pengojnë për ta kryer punën e tyre", thuhet në reagimin e Ministrisë së Jashtme të këtij vendi. “Britania e kupton se ‘sa e vështirë’ është pavarësia e Kosovës për Serbinë dhe për serbët e Kosovës, por bën thirrje atyre që shqetësimet e vërteta që i kanë t'i adresojnë përmes dialogut politik".

Gjermania: Ndarja e Kosoves nuk eshte opsion

Ora 14:25 Gjermania pret që forcat ndërkombëtare të vënë nën kontroll situatën në veri të Kosovës.Zëdhënësi i Ministrisë së Jashtme, Martin Jaeger ka deklaruar se "Gjermania nuk e konsideron si opsion ndarjen e Kosovës". Komentet e tij u bënë pas përleshjeve të sotme ndërmjet protestuesve serb dhe policëve të UNMIK-ut.

Kuci: Nderhyrja e UNMIK, e drejte

Ora 14:15 Zëvendëskryeministri i Kosovës, Hajredin Kuçi ne nje interviste per BBC-n e ka vleresuar te ligjshme ndërhyrjen e policisë në veri të Mitrovicës. "Kjo është një tendencë që disa grupe të tensionuara dhe të frustruara, por edhe disa huliganë, të ndalen dhe ta kuptojnë se këtu vepron rendi dhe ligji. Në këtë drejtim kemi kërkuar bashkëpunim të plotë me UNMIK-un dhe KFOR-in, por njëkohësisht edhe me SHPK-në. Një gjë duhet të dihet se në Kosovë dominon rendi dhe ligji dhe ai vlen për të gjithë ", tha zoti Kuçi.

Tensionet ne veri te Mitrovices, merren masa sigurie ne jug

Ora 14:05 Pas gjendjes se sigurisë se krijuar pas nderhyrjes së policisë së UNMIK-ut dhe pjesëtarëve të KFOR-it në objektet e gjykatave në veri të Mitrovicës eshte mbledhur Komiteti për Sigurine ne kete komune. Komandanti i stacionit të SHPK-së në jug të qytetit, Bashkim Spahiu tha se në këtë pjesë të qytetit janë marrë të gjitha masat që të mos reflektohen tensionet e krijuara në veri të Mitrovicës.
Kryetari i komunës, Bajram Rexhepi, tha se pjesëtarët e strukturave të sigurisë në Mitrovicë kanë reaguar pasi janë shterur të gjitha mundësitë e tjera demokratike dhe kanë marrë nën kontroll objektet e gjykatave në veri të qytetit.
Rexhepi apeloi tek qytetarët që të jenë gjakftohtë dhe të vazhdojnë të jenë të qetë. "Ne duhet të jemi të qetë në mënyrë që t’i kontribuojmë stabilitetit dhe gjendjes së sigurisë, në mënyrë që strukturat e sigurisë të fokusohen në veri ku gjendja është më e ndjeshme. Duhet të respektohet ligji dhe rendi në gjithë territorin e vendit ", tha Rexhepi dhe shprehur besimin se strukturat e sigurisë dhe veçanërisht KFOR-i dhe UNMIK-u do ta mbajnë nën kontroll gjendjen.

Lutzenko: Ne Mitrovice jane plagosur 14 ushtarake ukrainas

Ora 14:05 Numri i policive ukrainas se UNMIK te plagosur gjate perleshjeve mes forcave te KB ne veriun e Mitrovices dhe protestuesve serbe eshte 14. Lajmi behet I ditur nga agjencia e lajmeve Itar-Tass qe citon ministrin e Brendshem ukrainas, Iuri Lutzenko. Sipas ministrit plagosja e policeve ukrainas ka ndodhur gjate nje sulmi me arme dhe bomba dore te kryer ndaj nje komisariati policie. Ministri sakteson se ushtaraket ukrainas nuk moren pjese ne operacioni per lirimin e nderteses se OKB ne Mitrovice.

KE: Dhuna ne Mitrovice e papranueshme. Palet te vetepermbahen

Ora 13:35 Komisioni Evropian shpreh keqardhjne për përleshjet e sotme në Mitrovicë dhe i bën thirrje palëve të vetëpërmbahen. "Ne jemi shumë të shqetësuar për situatën e tensionuar në veri të Mitrovicës. Ne shprehim keqardhje për sulmet kundër policisë së Kombeve të Bashkuara dhe personelit të KFOR-it. Ne bëjmë thirrje për vetëpërmbajtje" tha zëdhënësi i KE, Amadeu Altafaj. Ai shprehu me tej “mbështetjen e plotë UNMIK-ut dhe KFOR-it për ruajtjen e rendit në Kosovë”. "Dhuna është e papranueshme. Ajo nuk është opsion. Të gjitha palët duhet të punojnë bashkë që të ndërtojnë Kosovën shumëetnike të bazuar në sundimin e ligjit dhe respektit për demokracinë", ka Altafaj.

KFOR dhe UNMIK-u denojne dhunen ne Mitrovice

Ora 13:25 Zevendesi i pare i shefit te administrates se Kombeve te Bashkuara, Larry Rossin, dhe komandanti i forcave paqeruajtese, gjenerali Xavier De Marnhac kane denuar dhunen nr Mitrovice duke perfshire ketu zjarrin e drejtperdrejte ndaj forcave paqeruajtese nga nje bande protestuesish.Ne nje komunikate te perbashket per shtyp, te dy perfaqesuesit e larte nderkombetare kane nenvizuar se dhuna e shfrytezuar drejt Policise se UNMIK-ut dhe pjesetareve te KFOR-it, te cilet rikthyen sot kontrollin mbi gjykaten ne Mitrovice, eshte shkelje flagrante e Rezolutes 1244 te Keshillit te Sigurimit. Ata kane ftuar te gjitha komunitetet per qetesi. Duke thene gjithashtu se çdo perdorim tjeter i dhunes kalon vijen e kuqe, e cila qartesisht i eshte artikuluar udheheqesve te serbeve te Kosoves ne veri dhe zyrtareve ne Beograd, dy perfaqesuesit e larte nderkombetare kane nenvizuar se UNMIK-u dhe KFOR-i do te kthejne kontrollin mbi veriun e Mitrovices.

Trazirat, Rusia: Te rifillojne negociatat

Ora 13:10 Tensionet ne Mitrovice jane “rrjedhoje direkte e shpalljes se njeanshme te pavaresise se Kosoves” dhe nje “zhvillim i papranueshem”. Ka qene kjo deklarata e Mikhail Kaminin, zedhenesit te ministrit te jashtem rus dhene per agjencine Itar-tass, sipas se cilit eshte e nevojshme vazhdimi i negociatave me Beogradin.
Ne deklaraten e tij, Kaminin nenvizon se rritja e tensioneve ne Mitrovice lidhet me faktin se serbet rezidente ne Kosove nuk pranojne hapin e paligjshem te shpalljes se pavaresise.
“Duhen shmangur zhvillimet qe mund te cojne ne dhune dhe perleshje. Forcat nderkombetare duhet te tregojne kontroll dhe te veprojne ne respekt te plote te mandatit te vendosur nga rezoluta 1244 e Keshillit te Sigurimit te OKB. Eshte e dukshme qe vetem rikthimi I ceshtjes kosovare ne kornizen e ligjshmerise nderkombetare dhe kerkimi I nje zgjidhjeje reciprokisht te pranueshme dhe te bazuar ne dialogun mes Prishtines dhe Beogradit mund ta kthejne ne normalitet situaten” perfundoi deklaraten e tij zedhenesi.

Presidenti serb Tadic ben thirrje per qetesi

Ora 12:10 Presidenti serb Boris tadic i ka bere thirrje policise se UNMIK dhe KFOR-it te permbahen ne perdorimin e forces kunder manifestuesve serbe per te mos provokuar nje rritje te dhunes ne te gjithe Kosoven. Nga ana tjeter Tadic ka kerkuar nga serbet e Kosoves te mos provokojne forcat nderkombetare. Ai i ka bere thirrje keshtu liderve serbe te Kosoves per te bere gjithcka te mundur per te qetesuar situaten. “Reagimi i ashper i UNMIK dhe KFOR mund te provokoje perleshje ne te gjithe territorin e Kosoves ” tha Tadic.

Samarxhic: Te lirohen menjehere te arrestuarit

Ora 11:50 Ministri serb Sllobodan Samarxhic, i cili gjendet per vizite ne veri te Kosoves, deklaron se per qetesimin e situates ne Mitrovice duhen lene te lire te gjithe te arrestuarit nga UNMIK. Samarxhic ka thene se “nuk eshte e pranueshme kjo menyre veprimi nga ana e UNMIK, sidomos sepse ishte rende dakort qe te mos kryhej asnje veprim para ardhjes sime ne Mitrovice”.

Rossin: Të ndalen ata që po reagojnë dhunshëm

Ora 11:00 Zëvendës kryeadministratori i Kosovës, Larry Rosin kërkoi që të gjitha komunitetet në Kosovë të tregojnë qetësi, në mënyrë që UNMIK-u të mund të vazhdoje në mënyrë efikase te plotësoj mandatin e tij në gjithë territorin e Kosovë. Deklarata e tij vjen pasi forcat e policise se UNMIK-ut dhe pjesëtarët e KFOR-it rimorën kontrollin në gjykatën në veri të Mitrovicës. "Në mënyrë specifike kërkoj nga ata që po reagojnë në mënyrë të dhunshme ndaj aksionit të ndërmarrë nga UNMIK-u dhe KFOR-i që ta respektojnë rendin dhe ligjin dhe t'i ndalin aktivitetetet e tyre ilegale", tha Rosin.

Policia e OKB-se terhiqet nga veriu i Mitrovices

Policia e Kombeve te Bashkuara ka marre urdher qe te terhiqet nga pjesa veriore e Mitrovices per shkak te perkeqesimit te perleshjeve me serbet. Lajmi eshte publikuar nga shume agjenci lajmesh te cilat citojne nje zyrtar te policise se OKB-se. Terheqjen e policise se UNMIK-ut nga veriu i Mitrovices e konfirmoi edhe zedhenesi i policise se Kosoves, Veton Elshani.

Të shtëna automatiku kundër KFOR-it

Ora 10:40 Gjatë trazirave të serbëve në veri të Mitrovicës eshte qelluar me automatik kunder misionit paqeruajtës ndërkombëtar në Kosovë, KFOR. Lajmi eshte pohuar per agjencine Reuters nga një zëdhënës francez i KFOR-it. Nuk janë dhënë detaje të tjera per ngjarjen. Reuters, duke u bazuar ne deklaratat e deshmitareve, raporton se gjate perleshjeve te forcave te KFOR dhe UNMIK me protestuesit serbe ka pasur te shtena armesh, por me pas policise I ehste dhene urdher te terhiqej.

Perleshje mes serbeve dhe forcave te UNMIK. 80 te plagosur

Shperthen beteja ne veri te Kosoves mes serbeve dhe forcave te sigurise nderkombetare. Nderhyrja e kryer ne mengjes nga forcat policore te UNMIK per te nxjerre nga gjykata e Mitrovices serbet qe gjendeshin aty prej 3 ditesh dhe qe ka cuar ne arrestimin e 53 protestuesve, ka shkaktuar reagimin e serbeve.
Mijera serbe te Mitrovices kane zbritur ne rruge duke zhvilluar perleshje te dhunshme nga te cilat kane mbetur shume te plagosur. Jane te pakten 20 policet e plagosur. Sipas autoriteteve te Varshaves behet e ditur se te plagosurit jane polake, nderkohe qe numrit te tyre u jane shtuar edhe 5 ushtare ukrainas.
Nga ana tjeter Radioja serbe “B-92” raporton se agjentet e UNMIK kane hyre ne ambjentet e gjykates te cilat i kishin liruar nga serbet qe ndodheshin atje prej 3 ditesh. Gjate konfrontimit mes tyre dhe protestuesve serbe kane mbetur te plagosur 80 persona nga te cilet 50 manifestues serbe, 3 nga te cilet ne gjendje te rende, dhe 30 agjente, nga te cilet 5 gjithashtu ne gjendje te rende. Nderkaq sipas policise, te pakten 20 nga 53 te arrestuarit serbe jane liruar.
Duke pare situaten, policia e administrates se KB ka marre urdher te terhiqet nga zona e perleshjeve, qe sipas mediave Beogradase eshte bere me qellim per t’i lene vend nderhyrjes se trupave te KFOR, qe kane si detyre rivendosjen me force te rendit.
17 marsi i sotem, shenon pervjetorin e nje dhune te ndodhur ne Mitrovice pikerisht 4 vjet me pare gjate se ciles gjeten vdekjen 8 serbe, 11 kosovare dhe u plagosen qindra persona te tjere. Ne 17 mars 2004 ndodhen nje zinxhir aktesh te dhunshme te shkaktuara nga nje lajm, qe me pas rezultoi fals, sipas se cilit nje femije shqiptar kishte vdekur. (e.m)

balkanweb

---------

• TITUJ TË NGJASHËM

[ Lajmet kryesore ]

Përleshje në Mitrovicë (2008-08-05 14:08:25 nga admin1)

[ Lajmet kryesore ]

Sërish përleshje mes shqiptarëve e serbëve në Suhodoll (2008-07-07 14:39:14 nga admin1)

[ Lajmet kryesore ]

Në përleshjet e mbrëmshme në Çeçeni janë vrarë nëntë persona, nga të cilët edhe një kalimtar rasti (2008-03-20 15:34:19 nga admin4)

[ Lajmet kryesore ]

Mutivodë, plagosen 10 policë gjatë përleshjes me 150 serbë (2008-02-25 12:30:48 nga admin4)

[ Lajmet kryesore ]

Përleshje mes UNMIK-ut dhe një grupi banorësh serb të Kosovës (2007-12-07 14:01:18 nga admin4)