DERATIZIMI I “PLESHTAVE PICKUES”, DOMOSDOSHMËRI E KOHËS! :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» DERATIZIMI I “PLESHTAVE PICKUES”, DOMOSDOSHMËRI E KOHËS!

Postuar më datën: 2007-03-16 14:00:33 nga admin1 :: Kategoria: Opinione

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

ESE POLITIKE
Prof.Dr. Mehdi HYSENI

I couldn’t wait for success… so I went ahead without it.” (Jonathan Winters)

Për t’i hyrë in medias res dhe, për t’ia bërë më të qartë lexuesit dhe opinionit mbarëshqiptar dhe ndërkombëtar fenomenin paradoksal dhe absurd “pleshtat pickues shqipfolës” serebosllavë, është me interes të shumëfishtë, të japim këtë citat të Berthold Brehtit, të cituar nga bashkidealisti dhe bashkëveprimtari ynë i zellshëm dhe i palodhshëm për pavarësimin e Kosovës dhe të ribashkimit të Shqipërisë Etnike, Beqir Elshani: “PESHKAQENËVE IU SHPËTOVA, UJQIT I VRAVA, PO MË GRIJNË PLESHTAT”.

Ja, ky është përkufizimi më i saktë edhe më i qëlluar që i përgjigjet nocionit “pleshtat pickues” shqipfolës-armiqtë e brendshëm të profesorëve shqiptarë, të pavarësisë së Kosovës dhe të mbarë Shqipërisë Etnike si në kuptimin e përgjithshëm, ashtu edhe në atë të veçantë të tyre.

Përkufizimi

Që në fillim, duhet ta pranoj, se kjo “temë” nuk është temë për t’u debatuar, për t’u preokupuar e as për ta shpenzuar energjinë dhe kohën e çmueshme lidhur me të nëpër letra dhe masmedia të ndryshme në sfondin shqiptar, sepse kemi mjaft tema dhe kryetema të tjera boshtore të analizave dhe të studimit tonë (luftimin dhe thyerjen e boshtit të kurrizit të sundimit kolonial serbosllav në gjysmën e Shqipërisë Etnike), që deshëm apo nuk deshëm ato duhet të jenë preokupimi ynë kryesor i qëndrueshëm, derisa të çlirohemi dhe të pavarësohemi përfundimisht nga saçi i kuq i kolonializmit serbosllav (1878-2007).

Në këtë vështrim shtrohet kjo pyetje jetike: - Për ta shporrur dhe për ta zhdukur përgjithmonë zgjedhën dhe varësinë shekullore të kolonializmit serbosllav nga tokat ilire-shqiptare, kush duhet të jetë në ballë të frontit gjithëmbrojtës? – Dihet, ata që mbajnë grada dhe tituj akademikë - profesorët shqiptarë së bashku me opingën e vegjëlisë gjithëshqiptare, e jo, kurrsesi “pleshtat”= renegatët, tradhtarët, kuislingët, kolaboracionistët e brendshëm shqipfolës, të cilët pa zgjidhur mjete dhe forma më bizare, më shantazhiste, më subversive, më çnjerëzore, më barbare, më antikombëtare, më antishqiptare, më antidemokratike dhe më anticivilizuese serbosllave, po orvaten që t’i “pickojnë në gjumë” PROFESORËT DHE STUDENTET E TYRE QË JANË VËNË NË SHËRBIM TË LIRISË, TË PAVARËSIMIT DHE TË RIBASHKIMIT TË GJITHË KOMBIT SHQIPTAR DHE TË SHQIPËRISË ETNIKE NË BALLKAN.

Pavarësisht nga zgjidhja e taktikës së përgojimit, të shpifjes, të komprometimit, të njollosjes, të trillimit dhe të thurjes së intrigave dhe komploteve serbofile të gojëve të liga dhe të veprave të ndyra dhe armiqësore antishqiptare të “pleshtave pickues” as autori, e as bashkëmendimtarët e as bashkëveprimtarët e tij, që botërisht janë vënë në shërbim të pohimit dhe të mbrojtjes së vërtetës mbi pavarësinë dhe mbi vetëvendosjen e plotë të Kosovës - Shqipërisë Etnike, nuk e kanë ndërmend që të tërhiqen nga llogoret e tyre përpara asnjë stuhie, e as që ta prishin “gjumin” nga fanitja e “pleshtave pickues”, edhe pse ata, si rrjedhim i ushtrimit të trysnisë së “urdhrave miqësore” të padronëve të tyre çetniko-fashistë dhe kolonialistë serbomëdhenj i kanë vetes për “detyrë shtëpie” që t’i “baltojnë”, t’i shpifin, t’i plagosin dhe t’i vrasin në opinion publik shqiptar, si akt i parë i realizimit të politikës obskurantiste dhe pushtuese serbomadhe ndaj inteligjencies shqiptare, me theks të posaçëm të profesorëve liridashës dhe atdhedashës shqiptarë, të cilët, pa u trandur, (nga intrigat dhe nga shpifjet “dezhurne” të “pleshtave pickues”, të cilët bëjnë “politikë” dhe “shkencë” nëpër kuluare dhe kafene të ndryshme të aksit serbosllav:Beograd- Podgoricë-Shkup-Athinë-Moskë, duke u shtirur, përdredhur, dhe duke derdhur “lot krokodili” se “janë për pavarësinë” e Kosovës) me kusht, sipas së drejtës historike dhe të së drejtës ndërkombëtare, po e kërkojnë dhe e mbrojnë atë që moralisht, ligjërisht dhe demokratikisht iu takon shqiptarëve dhe Shqipërisë Etnike.

Pa marrë parasysh leverdinë personale, grupore ose klanore, të “garantuar” apo vullnetare nga urdhërdhënësit dhe financuesit e tyre serbofilë, që vetes i kanë vënë për detyrë ta “vrasin” pavarësinë e Kosovës, përkatësisht të Shqipërisë Etnike, “pleshtat pickues”, duhet ta kenë parasysh faktin se ne profesorët dhe studentët tanë shqiptarë, për asnjë çast nuk do të tërhiqemi përpara asnjë barrikade, qoftë ajo edhe e kontaminuar edhe me “helmin më të rrezikshëm” për eliminimin tonë nga skena politike kombëtare shqiptare dhe ndërkombëtare. Pse them kështu, sepse ne jemi në shërbim të kombit dhe të atdheut shqiptar, e të askujt tjetër, pavarësisht nga oferta e dhurimit të funksioneve karrieriste “ministrore” apo “shkencore”, nga ndarja e kolltukëve të mëndafshta, nga ndarja e ryshfeteve dhe e dekoratave të “rezervuara” nga armiqtë e jashtëm serbosllavë dhe nga armiqtë e brendshëm shqipfolës, tanimë të njohur si “pleshta pickues” servilë, survejues, spiunë dhe përndjekjes të profesorëve shqiptarë, të cilët me përpjekjet e tyre të pareshtura për të “mbijetuar”, tanimë kanë dëshmuar se nuk kursejnë as pikën e fundit të gjakut dhe të djersës së tyre për ribashkimin e gjithë kombit shqiptar dhe për lirinë dhe pavarësinë jo vetëm të Kosovës, por të gjithë Shqipërisë Etnike.

Idealisti i madh Prof.Dr. Mehdi Hyseni

Anakronizmi dhe paradoksi

Prania e fenomenit anakronik (kronik), absurd dhe paradoksal psikopatologjik serbofil-pansllav e “pleshtave pickues” shqipfolës është e vjetër sa edhe vetë shekulli i skllavërisë dhe i tiranisë koloniale dhe hegjemoniste serbosllave në trojet ilire të Shqipërisë Etnike në Ballkan.

Për t’ia çjerrë maskën deri në palcën e zezë këtij fenomeni të shëmtuar antihuman dhe antikombëtar antishqiptar, është e domosdoshme që, jo vetëm të shkruhet ndonjë studim i veçantë nga profesorët dhe nga specialistët shqiptarë të shkencës së sociologjisë politike dhe të historisë kombëtare shqiptare, por edhe të gjenden forma përkatëse “kurimi” për t’i shëruar (jo mjekuar nga “dhimbja e madhe”, nga “paternalizmi i madh” dhe nga “dashuria e madhe” që “kanë” së bashku me amalgamën e tyre financuese mbështetëse serbosllave) ndaj pavarësisë së Kosovës dhe të shqiptarëve.

Sa “luftëtarë”, sa “patriotë”, sa të “emancipuar”, sa “trima”, sa të “moralshëm”, sa “properëndimorë”, sa “demokratë”, sa të “civilizuar botërisht” janë SHQIPFOLËSIT = armiqtë e përbetuar “brez pas brezi” të lirisë dhe të pavarësisë së Kosovës, përkatësisht të Shqipërisë Etnike dhe të shqiptarëve, këtë fenomen absurd psikopatologjik antikombëtar shqiptar, fatkeqësisht, edhe sot në fillim të shekullit XXI (2007) e ndeshim kudo (sidomos nëpër “forumet” dhe kafenetë politike antishqiptare), në çdo skutë si brenda, ashtu edhe jashtë Kosovës-Shqipërisë Etnike.

Edhe sot, në kohën e “civilizimit të zbuluar” nga shqipfolësit, të cilët duke pirë “çaj rusi”, “votka rusi”, “shlivovicë” të Çaçakut të Shumadisë dhe “metaxa helene” nëpër “bisedat” e tyre prosllave nëpër “birtijat” e nëntokës dhe të mbitokës së Beogradit, të Prishtinës, të Shkupit, të Tetovës, të Athinës, të Tiranës, të Podgoricës dhe të diasporës, kanë kohë të mjaftueshme për të thurur intriga, komplote, shantazhe, shpifje dhe gënjeshtra të llojllojshme të gatuara nga “kuzhina integruese” serbosllave+shqipfolës në adresë të profesorëve dhe të inteligjencës shqiptare, e cila me mish dhe me shpirt (duke mos kursyer asgjë e as “jetën konfuze” të tyre, “objekt i cilësuar” ky nga shpifjet e stërtrilluara të amalgams-pjellës dështake të “pleshtave” shqipfolës) si kështjellë e pamposhtur është vënë në trilluar është vënë në shërbim.

Ashtu sikurse shtypësve kolonialistë gjenocidalë serbosllav, edhe shqipfolësve, këtij soji të diarresë dhe të fundërrinave të kombit dhe të atdheut shqiptar, në radhë të parë ua terratisin sytë, ua zhbirojnë zemrën dhe ua turbullojnë mendjen prosllave titujt dhe gradat shkencore të profesorëve dhe të akademikëve shqiptarë, sepse edhe pse janë “pleshta pickues” me superstrukturë dhe me infrastrukturë serbosllave, në saje të “ edukatës dhe të civilizimit botëror”, të marrë nga shfrytëzuesit dhe shtypësit kolonizues serbosllavë, mirëfilli “pleshtat pickues” sipas instinktit të tyre,janë dijeni se,pikërisht profesorët shqiptarë janë ata që e duan dhe luftojnë me pendë dhe me pushkë që Kosova ta fitojë pavarësinë e saj të plotë.

Përfundim

Në historinë e deritashme të kombit dhe të shtetit shqiptar në Ballkan, “pleshtat pickues” injorantë , shitës dhe të pabesë kurrë nuk kanë qenë, nuk janë dhe, kurrë nuk do të jenë as në të ardhmen, “çlirimtarët”, “shpëtimtarët”, “mëvetësuesit” dhe prijatarët e pavarësisë së Kosovës, as të Shqipërisë Etnike, por kanë qenë, janë dhe do të jenë brez pas brezi ata shqiptarë patriotë mëmëdhetarë të ditur dhe të përparuar, që historia dhe kombi shqiptar i njohin si mësues, arsimtarë, pedagogë, profesorë, akademikë dhe luftëtarë të nderuar dhe të merituar të mbrojtjes së interesit dhe të çështjes së përgjithshme kombëtare shqiptare dhe të Shqipërisë Etnike.

Prandaj, kushdo që tenton (në çfarëdo forme qoftë:ndërsyese apo origjinale atavike) që me “shoshë” apo me kërcime “pleshtash pickues”, ta hijesojë këtë të vërtetë mbi rolin dhe rëndësinë jetike të inteligjencies shqiptare për qëllime të ndyra të armiqve të brendshme dhe të jashtëm (në emër të pavarësisë së Kosovës), s’ka dilemë se ata janë e zeza dhe tragjedia e kobshme e pavarësisë së Kosovës dhe e trevave të tjera indigjenë të Shqipërisë Etnike, ende e kolonizuar nga serbosllavët në Ballkan.

Të mos harrojmë edhe këtë fakt thelbësor , që është në disfavorë të luftës propagandistike, të luftës së ftohtë, të luftës speciale dhe të luftës subversive të “pleshtave pickues” dhe të padronëve të tyre të brendshëm dhe të jashtëm, se “pleshtave pickues” as dikur, as sot e as në të ardhmen, nuk janë ata, që mund të kuptojnë , ta ndërtojnë, as që dinë ta çmojnë, as respektojnë pavarësinë, lirinë, humanizmin, mirëqenien, zhvillimin, rendin, drejtësinë, sigurinë e botës demokratike dhe të civilizuar, sepse janë injorantë, vandalë dhe “puçistë nga pusia”, të cilët u përkasin krijesave mitologjike dhe barbare serbosllave, e jo realitetit dhe vlerave demokratike dhe qytetëruese të sotshme.

Për “pleshtat pickues”, “botë e civilizuar” quhet shpifja, përzierja në punë të huaja, si dhe mashtrimi dhe shfrytëzimi i pakufishëm i popullit dhe i shtetit vetjak si në kuptim të ngushtë, ashtu edhe në atë të gjerë.

Duke qenë se (briefly) ky është “letërnjoftimi” i “pleshtave pickues”, të gjithë intelektualët patriotë dhe demokratë shqiptarë, duhet të vazhdojnë me intensitet edhe më të thellë, edhe më të gjerë, edhe më të gjithanshëm, edhe më kompleks dhe pa asnjë kompromis, me punën dhe me veprën e tyre profesionale, kombëtare dhe atdhetare patriotike shqiptare, sepse urgjentisht kërkohet preventive e deratizimit në rrënjë, në trung e degë e veprimit dhe e qëndrimeve antishqiptare dhe antidemokratike e këtij fenomeni të shëmtuar dhe tragjik, që fshehurazi dhe haptazi rrezikon vlerat e njëmendta profesionale, morale, kombëtare dhe shtetërore të shqiptarëve dhe të Shqipërisë Etnike, si dhe të vlerave dhe të standardeve të botës së qytetëruar dhe të demokratizuar në dimensione ndërkombëtare.
_______________

---------

• TITUJ TË NGJASHËM

[ Opinione ]

TË LUMTË PËR QËNDRESËN O BURRË SHQIPËRIE! (2008-11-21 16:36:32 nga admin1)

[ Opinione ]

MEF-i dhe ATK-ja Vazhdojnë Dezinformimin e Tatimpaguesve (2008-11-21 16:23:34 nga admin1)

[ Histori ]

Nëntori muaji i lavdive dhe heroizmave kombëtare (2008-11-21 16:08:14 nga admin1)

[ Kultura ]

Letër nga Vendlindja e Alfabetit (2008-11-21 15:59:44 nga admin1)

[ Opinione ]

LETËR E HAPUR LIDERËVE SHQIPTARË (2008-11-21 15:56:58 nga admin1)