KOSOVA SI SUBJEKT JURIDIK NDËRKOMBËTAR NUK MUND T’I KETË “DY SHTETËSI” DHE DY FLAMUJ TË NDRYSHËM SHTETËRORË! :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» KOSOVA SI SUBJEKT JURIDIK NDËRKOMBËTAR NUK MUND T’I KETË “DY SHTETËSI” DHE DY FLAMUJ TË NDRYSHËM SHTETËRORË!

Postuar më datën: 2008-05-27 07:12:44 nga admin1 :: Kategoria: Opinione

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

ESE POLITIKE

*** Kosovën nuk e kanë çliriuar dhe pavarësuar koço popoviqët, koçi xoxët dhe koço danajt, por adem jasharët, hashim thaçët, ramush haradinjat dhe agim çekët…, etj. të UÇK-së, Amerika dhe NATO-ja, jo gjysmë Shqipëria e Koço Danës, e cila më 1999 “ishte në burgun e azilit” në Tibetin e largët kinez të Dalaj Lamës.

Prof. Dr. Mehdi HYSENI

Reagimet tona lidhur me mohimin e komponentit shtetëror të FLAMURIT KOMBËTAR SHQIPTAR nga ana e qeverisë dhe e parlamentit të Kosovës, historikisht, kombëtarisht dhe moralisht janë të qëlluara dhe të justifikueshme, mirëpo, politikisht, de facto dhe de jure, janë shumë të vonuara dhe të diskutueshme. Kështu që, faji dhe përgjegjësia nuk duhet të kërkohen vetëm në anën e qeverisë së Republikës së Kosovës (në kuptimin e ngushtë dhe të njëanshëm, pavarësisht se sa kemi të drejtë), por edhe në anën e Republikës së Shqipërisë (në kuptimin e gjerë të gabimit, të fajit dhe të përgjegjësisë së përgjitshme në sfondin kombëtar dhe shtetëror shqiptar), e cila në të gjitha përpjekjet e saj të deritashme për zgjidhjen e statusit politik të Kosovës ka pranuar, dhe është pajtuar me politikën strategjike të faktorëve relevantë të bashkësisë ndërkombëtare(Amerika, BE, NATO, OKB, OSBE etj.), që Kosovës t’i njihet një lloj pavarësie e kushtëzuar nën mbikëqyrjen ndërkombëtare (pa përfshirjen e plotë të së drejtës së vetëvendosjes, mohimi i së cilës ka përjashtuar edhe flamurin shqiptar nga ligji i festave shtetërore të Kosovës),sikurse kjo e 17 shkurtit 2008, të cilën zyrtarisht e njohu edhe qeveria dhe parlamenti i Republikës së Shqipërisë së Bamir Topit dhe Sali Berishës. Shembull ky, i cili dyfishtë ishte i gabueshëm si në aspektin e historikes kombëtare dhe shtetërore shqiptare, ashtu edhe në atë të politikës dhe të së drejtës ndërkombëtare, sepse bashkësisë ndërkombëtare ia la “duart e zgjidhura”, që të vendosë për fatin e Kosovës, kurse, në anën tjetër, ndikoi negativisht në ndjenjën njerëzore dhe kombëtare të mbarë kombit shqiptar, i cili kolektivisht (pa u thelluar historikisht, politikisht dhe juridikisht) i tha-PO pavarësisë së kushtëzuar ndërkombëtare të Kosovës nën një FLAMUR të huaj, që nuk shpreh komponentin e identitetit historik, kombëtar dhe shtetëror të shqiptarëve dhe të Shqipërisë Etnike në Ballkan.

(1) Nuk guxojmë ta sakrfikojmë Hashim Thaçin as Qeverinë e as Parlamentin e Republikës së Kosovës për hir të thurjes së intrigave të rafinuara dhe shantazhiste politike të teorisë kompllotit të Koço Danajt!

“Feniksi shpëtimtar” i Kosovës dhe i Flamurit shqiptar nuk janë Koço Danaj (drejtor+ drejtor i biznesit privat dhe kryetar i një partie politike në Tiranë) dhe Nexhemedin Saqipi (ish-myfti i Serbisë+ hoxhë dhe + kryetar i një partie politike në Preshevë), jo për diç tjetër, por për faktin se,ata në plan të parë janë të prirur për rujatjen me çdo kusht të biznesit të tyre privat, kurse në plan të dytë, natyrisht e kanë edhe “mbrojtjen” e Flamurit kombëtar (por në stilin e nasradinë hoxhëve antihumanistë, pseudokombëtarë dhe kuazidemokratikë-“sipas motit, ktheje gëzofin”), të paktën deklarativisht për të thënë, ose për të shkruar ndonjë fjalë dhe, mendim të mirë për të, dhe për popullin shqiptar-në sy të popullit shqiptar, sepse në këtë mënyrë ata njëkohësisht e mbrojnë dhe e shumëzojnë më së miri, edhe biznesin dhe kapitalin e tyre privat, ashtu sikurse edhe shumë “biznesmenë” të tjerë shqiptarë, të cilët si gjatë luftës, ashtu edhe në kohë paqeje në Kosovë, kanë thënë ndonjë fjalë të mirë, dhe kanë dhënë “ndonjë asht” humanitar dhe ekonomik për Kosovën.

Në saje të një taktike të tillë të mosbërjes asgjë të vlefshme për interesin e përgjithshëm të kombit dhe të Kosovës, ata pas përfundimit të luftës dijtën për t’u rreshtuar në “radhët e para” të pushtetit shtetëror në Kosovë (në qeveri dhe në parlament, si dhe nëpër institucione dhe organe të rëndësishme të Kosovës), si “patriotë të denjë” dhe me “merita të jashtëzakonshme” për “luftën e përbashkët” të tyre me Ushtrinë Çlirimtare të Kosovës (UÇK)(!?) Mirëpo, ata asnjëherë nuk prenë “allishverishet” dhe marrëdhëniet tregtare, ekonomike dhe “biznisore” me Serbinë pushtuese gjenocidale të Slobodan Milosheviqit, të Boris Tadiqit, të Vojislav Koshtunicës dhe të Artemije Radosavleviqit, ashtu sikurse edhe “biznesmenët” e Koço Danajt dhe të Anastas Janullatosit në Tiranë.

Prandaj, duhet të jemi vigjilentë dhe largpamës (duke mos harruar kurrë të keqen antinjerëzore, antikombëtare dhe antiatdhetare të kuislingëve esadistë të të gjithë brezave të derisotëm shqipfolës), që këtij “soji” sorollapësh, të ashtuqujatur “biznesmenë” të kësaj kohe të ligë dekadente, të mos iu besojmë “blanko” dhe, për asnjë “grosh dukatësh”, sepse këta janë ndjellakombësit më katranë, më perfidë dhe më të rrezikshëm të përçarjes dhe të ndarjes së kombit shqiptar, pavarësisht nga krrokamat e tyre “patriotike” nëpër kafene, restornate, bulevarde moderne, institucione fetare, kultuore, shkencore, politiko-shoqërore dhe, nëpër zyrat më moderne të firmave dhe të kompanive të tyre private, si dhe të komenteve, të analizave dhe të librave të tyre, kur ata deklarohen publikisht se janë në anën e “mbrojtjes së interesit të përgjithshëm të kombit, të flamurit dhe të Shqipërisë Etnike, sepse ata në plan të parë kanë mbrojtjen me çdo kusht të interesit të tyre privat (por kuptohet në emër të rrejshëm të demokracisë, të zhvillimit, të progresit dhe të paqes së Amerikës dhe të Evropës Perëndimore, të Kombit dhe të Atdheut Shqiptar-Shqipërisë Etnike) si në aspektin monopolizues individaul, grupor, ashtu edhe në atë ideologjik, partiak dhe shtetëror, sipas “prognozave të motit”, kur është në interesin e tyre të “xhepit”, ata janë edhe me Flamurin Shqiptar, edhe me Kosovën, edhe me Shqipërinë Etnike, edhe me Amerikën, por duke mos i sakrifikuar asnjëherë “lidhjet e biznesit” dhe të tregtisë së tyre lukrative me Serbinë, me Greqinë, me Malin e Zi dhe me “Maqedoninë”.

Politika nuk njeh “kriterin postfestum-riprovues vjeshtor” të studentëve të dobët sikurse paradigma Koço Danaj!

Edhe në shoqërinë e re demokratike shqiptare, çdo individ ka të drejtë të kritikojë dhe të jetë i kritikuar, por me argumente të qëndrueshme, jo me shpifje, me intriga, me inati, me shantazhe dhe me komplote të ndryshme sipas “muskujve” të forcës, të diktatit, të ultimatumit dhe të interesit personal egoist, grupor, partiak, ideologjik, mahallor, bajraktarist, karrierist kulltukofag, përfitues material-tregtar ekonomik dhe të luftës për pushtet në emër të demokracisë, të shpëtimit dhe të përparimit gjithëkombëtar shqiptar, të patriotizmit dhe të atdhetarizmit të rrejshëm dhe të improvizuar, si dhe të “mbrojtjes” së vlerave vitale kombëtare dhe shtetërore të shqiptarëve dhe të Shqipërisë Etnike.

Pas miratimit të ligjit të qeverisë dhe të parlamentit të Republikës së Kosovës për përcaktimin e festave shtetërore, pa përfshirjen e flamurit kombëtar shqiptar, pata rastin të lexoj një varg kritikikash nga individët e ndryshëm dhe nga disa subjekte politike opozitare shqiptare në Kosovë, dhe më gjerë.

Nisur nga aspekti i historik dhe kombëtar i mbrojtjes së interesit të përgjithshëm të këtyre dy vlerave parësore të kombit dhe të shtetit shqiptar, që përbëjnë bazamentin natyror, legjitim, të ligjshëm, të drejtë dhe demokratik të qenies së përgjithshme të SHQIPËRISË ETNIKE, mesazhi i përbashkët i të gjitha këtyre reagimeve të theksuara tërësisht është i qëndrueshëm dhe i justifikueshëm mbi këtë bazë. Mirëpo, në aspektin politik, diplomatik dhe juridik ndërkombëtar, është shumë i vonuar, sepse aktin formal të shpalljes dhe të njohjes ndërkombëtare të pavarësimit të Kosovës më 28 shkurt 2008, [me gjithë mungesën e tij të mospërfshirjes së drejtës së jashtme të vetëvendosjes, ne si komb dhe si gjysmë shtet anembanë hapësirave të Shqipërisë Etnike dhe, në diasporë, së bashku me gjysmë Shqipërinë e Koço Danës, NJËZËRIT dhe, me DUARTROKTIJE FRENETIKE], e miratuam dhe e përqafuam si “akt të drejtë” të pavaraësisë së Kosovës.

“Mendja e madhe, e zeza e kresë”, thotë populli!

Tani, [[ POSTFESTUM]] = “PASI MIU NA RA PËR MUSTAQE” të të gjithëve, me gabimin dhe me fajin e të gjithëve, dhe me gabimin e fajin kardinal dhe të pajustifikueshëm (historikisht dhe kombëtarisht) të gjysmë Shqipërisë pasive dhe të defaktorizuar të Koço Danajt, tani ç’po kërkon ky farë “trimi me fletë kaktusi” llogari prej qeverisë dhe prej parlamentit të Republikës së Kosovës, përkatësisht drejtuesve të tyre Hashim Thaçi (kryeministër) dhe Jakup Krasniqi (kryetar i Kuvendit), që t’i “linçojë” politikisht dhe, t’i diskualifikojë historikisht, kombëtarisht dhe shtetërisht në Prishtinë, kur “topin” e fajit dhe të përgjegjësisë historike 100-vjeçare e ka m’u në “këpucët” dhe, nën vellon e zezë të “janullatosëve” dhe të “koçi xoxëve” në Tiranë, të cilët edhe dikur, edhe sot e mbajnë përgjegjësinë kryesore historike, politike, kombëtare dhe shtetërore jo vetëm për statusin e sotëm të Kosovës, por edhe të mbarë gjysmës së Shqipërisë së kolonizuar etnike (Anamorava, Ilirida, Malësia e Madhe e Mbishkodrës dhe Çamëria).

Me gjithë të metat dhe gabimet e deritashme politike të lidershipit zyrtar (në çasjen e strategjisë metodologjike dhe në zvarritjen e mëvetësimit të Kosovës) të Kosovës, unë, personalisht nuk pajtohem me asnjë VARIANT POSTFESTUM të “kritikave politike” të njëanshme, tendencioze subjektive, jo etnike dhe joprofesionale të Koço Danajt, drejtuar në adresë të Hashim Thaçit dhe të Jakup Kransiqit etj., kinëse, ata sipas K. Danës -“janë antishqiptarë”, për shkak se, kanë miratuar një “kushtetutë antishqiptare”, dhe e kanë “përjashtuar” nga “kalendari i festave shtetërore të Republikës së Kosovës Flamurin shqiptar”, sepse e vërteta është krejtësisht ndryshe, dhe zanafillën e ka shumë të moçme, këtu e 100 vjet më parë, jo që nga formimi katër mujor i Republikës së Kosovës (17 shkurt 2008), por çfarë të bëjmë, kur “faji është jetim”, kur “sulmi është mbrojtja më e mirë”. Mirëpo, në këtë rast, “sulmi” dhe “justifikimi” i kritikave të paqëndrueshme dhe diletante POSTFESTUM të Koço Danës, nuk kanë kurrfarë efekti korrigjues pozitiv preventiv politik, diplomatik dhe juridik ndërkombëtar për kthyer në “rishqyrtim” statusin ekzistues politik të Republikës së Kosovës (revidimi i së cilit do të nënkuptonte, edhe rikthimin e flamurit shqiptar si simbol dhe atribut kombëtar dhe shtetëror të Republikës së Kosovës), por janë të efektshme vetëm në planin e konfrontimit dhe të polazirimit të faktorit politik shqiptar me faktorët e jashtëm ndërkombëtarë si në Kosovë, ashtu edhe në Shqipëri, e cila jo vetëm në Kosovë, por edhe në Anamoravë, në Iliridë,në Çamëri e Malësi të Madhe Mbishkodrës, si rrjedhim i heshtjes, i asnjanësisë dhe i dezertimit të saj (1912-2008), e ka lënë të pazgjidhur jo vetëm çështjen e flamurit si simbol shtetëror, por në tërësi edhe çështjen kombëtare shqiptare në Ballkan.

Duke mos qenë të vetëdijshëm për sakrfikimin dhe për bastardimin e komponentit të drejtave dhe të vlerave të shenjta historike, kombëtare dhe shtetërore të Shqipërisë Etnike, në këtë mënyrë të gabuar, ne si komb dhe si gjysmë shtet vetë jemi fajtor, që pranuam para armiqve dhe para miqve tanë një pavarësi difekte si në kuptimin historik, kombëtar, ashtu edhe në atë të së drejtës ndërkombëtare ngase kësisoj, në mënyrë të frustruar, të pakontrolluar dhe të pavetëdijshme historikisht, kombëtarisht, politikisht dhe demokratikisht, në mënyrë të “vullnetshme”, bile me këngë “lujma, lujma..., se kaq e kam merituar”, me zurla, me tupana e me dyfekë, me bakllava dhe me uski...etj., VETË, VETË, pa shtytjen e askujt e sakrifikuam të drejtën e vetëvendosjes së plotë dhe të ligjshme të Kosovës, mohimi i së cilës solli edhe pezullimin e FLAMURIT KOMBËTAR SHQIPTAR SI ATRIBUT KRYESOR KOMBËTAR DHE SHTETËROR TË REPUBLIKËS SË KOSOVËS.

Kjo është arsyeja kryesore pse qeveria dhe parlameti i Kosovës me në krye me Hashim Thaçin (kryeministër) dhe me Jakup Krasniqin (kryetar i parlamentit të Kosovës) e kanë “përjashtuar” FLAMURIN KOMBËTAR SHQIPTAR nga ligji i miratuar i tyre për festat shtetërore të Republikës së Kosovës. Historikisht dhe kombëtarisht, as qeveria e as parlamenti i Kosovës nuk e gëzojnë atë të drejtë ligjore, as morale, që të kenë eliminuar Flamurin shqiptar si simbol kombëtar dhe shtetëror.Kjo është e qartë dhe e padiskutueshme, sepse LETËRNJOFTIMI I VETËM HISTORIK KOMBËTAR DHE SHTETËROR I SHQIPTARËVE DHE I SHQIPËRISË ETNIKE NË BALLKAN, ËSHTË FLAMURI I SKËNDERBEUT-ISMAIL QEMALIT.

Këtë vërtetë të pakundërshtueshme historike dhe kombëtare, e dijnë edhe titullarët e qeverisë dhe të parlamentit të Kosovës me në krye Hashim Thaçi, Jakup Krasniqi dhe me Fatmir Sejdiu (kryetar i Republikës së Kosovës), ashtu siç e dijnë qeveria dhe parlamenti i gjysmë Shqipërisë së Sali Berishës (kryeministër) dhe i Bamir Topit (kryetar i Republikës së Shqipërisë), mirëpo, edhe këta titullarë dhe institucione të tyre (para dhe pas njohjes ndërkombëtare të pavarësisë së Republikës së Kosovës) politikisht dhe kombëtarisht dështuan në mbrojtjen e konstantës së vazhdimësisë historike, kombëtare dhe shtetërore të Kosovës.

Sipas normave dhe standardeve juridiko-ndërkombëtare dhe të së drejtës ndërkombëtare: - Aprovimi dhe këndimi i pavarësisë së kushtëzuar ndërkombëtare nga ana e gjithë popullit shqiptar dhe nga Republika e Shqipërisë, automatikisht nënkupton edhe eliminim e Flamurit kombëtar shqiptar nga “kalendari i festave shtetërore të Republikës së Kosovës.

Prandaj, të gjithë ne, duhet ta kemi të qartë faktin dhe arsyen ligjore ndërkombëtare se Kosova si subjekt juridik i së drejtës ndërkombëtare nuk mund t’i ketë “dy shtetësi” dhe dy flamuj të ndryshëm. Juridikisht, ky është shkaku kryesor pse Flamuri kombëtar shqiptar, nuk është përfshirë në kalendarin e festave shtetërore të Republikës së Kosovës. Mirëpo, në kuptimin historik dhe kombëtar nuk është eliminuar Flamuri kombëtar, ai do të festohet derisa të ketë shqiptarë në Kosovë. Ndryshe, duke qenë se “astrologu” dhe prognozeri i vonuar Koço Danaj (me reagimin e tij konkret, të paqëlluar lidhur me pezullimin e flamurit shqiptar nga “skema” shtetërore e qeverisë së Kosovës), para ca kohësh ka “parashikuar” se ribashkimi i shqiptarëve, dhe i Shqipërisë Etnike, do bëhet në vitin 2013, atëherë, (meqë e kemi pranuar vetë njëzërit botërisht së bashku me Gjysmë Shqipërinë e 1912 të Koço Danajt) të presim edhe 5 vjet, nuk do bëhet heqja e flamurit të huaj nga Kosova shqiptare. Kur kemi pritur 100 vjet, të presim edhe 5 vjet, e t’i ribashkojmë të gjithë shqiptarët dhe territoret shqiptare brenda kufijve natyrorë, historikë dhe gjeopolitikë të Shqipërisë Etnike nën Flamurin e saj kombëtar dhe shtetëror. Mirëpo, në anën tjetër, të mos harrojmë edhe recidivin e rrezikshëm dhe, me pasoja fatale, për shkak se neve “nuk na bëhet kurrë vonë’ në histori dhe në politikë, edhe kemi mbetur nën thundrën e përgjakshme të kolonializmit dhe të imperializmit njëshekullor serbosllav.

Në këtë vështrim, të procesit të ribërjes dhe të ribashkimit të Shqipërisë Etnike(Kosovë, Anamoravë, Iliridë, Malësi e Madhe dhe Çamëri), të mos e përsërisim gabimin historik të përbashkët së bashku me gjysmë Shqipërinë e Koço Danës sikurse në rastin konkret të mohimit të vetëvendosjes së plotë të Kosovës, të njohjes ndërkombëtare të Republikës së Malit të Zi, të njohjes së
“Republikës së Maqedonisë, të Greqisë dhe të Serbisë, pa zgjidhur asnjë problem jetik të shqiptarëve të kolonizuar në tokat e tyre në këto vende grabitçare hegjemoniste dhe imperialiste sllave.

Ka ardhur çasti vendimtar historik (edhe pse me vonesë 100-vjeçare), që të mos humbasim kohën e çmueshme, duke u marrë me “dokërra postfestum” të koço danjave, por të jemi vigjilentë, të arsyeshëm, konsekuent dhe të palëkundshëm në ndërtimin e strategjisë së përbashkët gjithëkombëtare shqiptare për zgjidhjen e drejtë dhe objektive të çështjes kombëtare shqiptare në Ballkan.

Pra, të mos gabojmë sërish,në mënyrë individuale dhe kolektive, sikurse këtu e 100 vitet e shkuara, dhe në rastin më të freskët të Kosovës, por të vigjilojmë dhe të veprojmë konkretisht sikurse Fronti për Bashkimin Kombëtar Shqiptar/FBKSH/, i cili GJASHTË VJET MË PARË PARALAJMËROI RREZIKUN E NDRYSHIMEVE TË SIMBOLEVE KOMBËTARE SHQIPTARE. Këtë e provon edhe Deklarata politike zyrtare e FBKSH-së Nr. 10 të datës 4 Dhjetor të vitit 2002, e cila publikua në Organin e FBKSH-së, ku ndër të tjera, thuhet: “ Kërkesa e Rugovës për ndryshimin e simboleve kombëtare shqiptare shpie në ndarjen e kombit në dy popuj dhe në dy shtete të ndryshme në Ballkan...” (Ribashkimi i Shqipërisë, Tiranë, 2002,f.14),

Pra, të mos zihemi prapë në “gjumin dimëror të ariut”, e sërish të votojmë dhe të pranojmë atë çfarë nuk duhet votuar dhe pranuar sikurse në rastin konkret të pavarësisë së kushtëzuar të Kosovës, duke ia hudhur gabimet, fajin dhe përgjegjësinë historike, politike, juridike, kombëtare dhe atdhetare vetëm kryeministrit të qeverisë së Kosovës, Hashim Thaçit dhe kryetarit të Parlamentit të Kosovës, Jakup Krasniqi, kur dihet se aktin e shpalljes dhe të njohjes ndërkombëtare të pavarësimit të Kosovës e kemi njohur, dhe e kemi përqafuar kolektivisht dhe publikisht të gjithë para botës si komb dhe si shtet) në “gjumin dimëror të ariut”, e sërish të votojmë dhe të pranojmë atë çfarë nuk duhet votuar dhe pranuar sikurse në rastin konkret të pavarësisë së kushtëzuar të Kosovës.

____________
(Vijon)

---------

• TITUJ TË NGJASHËM

[ Opinione ]

Kosova s’ka dëshmorë, dëshmorët e UÇK-së janë, dëshmorë të Shqipërisë (2008-10-05 11:39:55 nga admin1)

[ Lajmet kryesore ]

Jovanoviç: Nëse ndahet Kosova, pse të mos ndahet Serbia (2008-10-01 15:16:58 nga admin1)

[ Lajmet kryesore ]

Mitrovicë sulmohet “Taxi Albania“, plagoset kosovari (2008-09-28 07:41:18 nga admin4)

[ Lajmet kryesore ]

Topi thirrje OKB-së: Kosova sa me parë anëtare e juaj (2008-09-25 05:46:06 nga admin4)

[ Opinione ]

Kosova ka obligim, të ngritë dhe mbroj çështjen e Luginës së Preshevës (2008-09-23 12:48:04 nga admin4)