Vdes i madhi Kadri Roshi :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» Vdes i madhi Kadri Roshi

Postuar më datën: 2007-02-06 19:52:44 nga admin2 :: Kategoria: Lajmet kryesore

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

U nda nga jeta ne moshen 83 vjecare aktori i madh shqiptar i skenes dhe i ekranit, Artisti i Popullit, Kadri Roshi.
Artisti i madh u shua ne Tirane, ne shtepine e vajzes se tij.
Kadri Roshi eshte nje kolos i filmit dhe teatrit shqiptar, ku ai la figura te spikatura qe nuk do te harrohen kurre.
Aktori i madh i skenës dhe ekranit, Kadri Roshi u lind më 4 janar të vitit 1924 në Mallakastër.
Në karrierën e tij të gjatë që fillon nga viti 1945, numërohen rreth 180 role, prej të cilave 130 janë role kryesore.
Në vitin 1961, Kadri Roshi u nderua me titullin “Artist i Merituar”, dhe në vitin 1969 me çmimim e madh “Artist i Popullit”, ndërsa në vitin 1995 në festivalin e 10-të të Filmit Shqiptar mori Kupën e Karrierës.
Nga Presidenti i Republikës në vitin 1998 iu akordua titulli 'Nderi i Kombit'.
Kadri Roshi është konsideruar si legjenda e skenës dhe ekranit shqiptar.
Ai u rrit në skenën e Teatrit Kombëtar duke qënë një nga themeltarët e tij.

Skena e teatrit ku ka luajtur për herë të parë në vitin 1945 dhe sheshxhirimet ishin e vetmja shkollë e tij.
Ai mbante mbi shpatulla gati gjysmë shekulli jetë artistike nga dalja e parë në skenë.
Në këto mbi 50 vjet jetë artistike si aktor, Kadri Roshi ka realizuar tre role në vit, në teatër dhe në kinematografi.

Ai ka interpretuar veprat më të spikatura të dramaturgjisë botërore dhe saj shqiptare.
Kadri Roshi është dalluar në realizimim me sukses të të gjithë llojet e karaktereve.
Në historinë e Teatrit Kombëtar do mbeten të pashlyera interpretimet në drama dhe komedi si tek “Halili dhe Hajria”, “Revizori”, “Familja e peshkatarit”, “Arturo Ui”, “Epoka para gjyqit”, “Dhelpra dhe rrushtë”, “Hamleti”, “Pas vdekjes”, “Fytyra e dytë”, “Doktori pacient”, “Hijet e natës”, “Ezopi”, “Dritat e skenës”.

Në kinematografi emrin e Kadri Roshit e mbajnë 30 role.

Kështu veçohen për interpretim mjeshtëror rolet në filmat “Tana”, “I teti në bronz”, “Kur zbardhi një ditë”, “Malet me blerim mbuluar”, ''Fijet që priten”, ''Përballimi”, “Tokë e përgjakur”, “Lulekuqet mbi mure, “Njeriu me top”, “Gjeneral gramafoni”, “Ballë për ballë”, “Partizani i vogël Velo”, “Apasionata”, “Era e ngrohtë e thellësive”, ''Rrethimi i vogël”, “ Vdekja e burrit”, “Një ditë nga një jetë”, “Kolonel bunker”.

Për krijimtarinë artistike të Kadri Roshit janë shprehur me konsideratat më të larta kolegët, aktorë dhe regjisorë, me të cilët ka bashkëpunuar, breza të tërë studentësh dhe pedagogësh të Akademisë së Arteve si dhe kritika letrare.

Ministria e Turizmit, Kulturës, Rinisë dhe Sporteve, ka ngritur nje grup te posacëm pune të kryesuar nga ministri Bujar Leskaj, i cili do të organizojë ceremonialin e përcjelljes për në banesen e fundit të aktorit të madh të skenës shqiptare, Kadri Roshi, i cili ndërroi jetë të martën paradite në Tiranë.

Homazhet në nderim të aktorit të shquar do të kryhen në Teatrin Kombëtar në orën 12 e 30 min, të ditës së mërkurë, ndërsa kortezhi mortor do të niset për në varrezat e Sharrës në orën 14.00.