SHPIRTI I TIJ, LLAVË DITURIE E PATRIOTIZMI :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» SHPIRTI I TIJ, LLAVË DITURIE E PATRIOTIZMI

Postuar më datën: 2008-04-25 10:29:01 nga admin4 :: Kategoria: Kultura

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

PORTRETI I JAVËS: SADRI FETIU

Shkruan: RESHAT SAHITAJ

Sadri Fetiu është një intelektual ndër më të rrallët që aktualisht i ka Kosova. Një numër i vogël intelektualësh( që mund të numërohen në gishta të dorës) nuk do të pajtohen me mendimin tim dhe do pyesin në çka Sadri Fetiu veçohet nga tjerët. Ka shumë argumente që dokumentohen me veprime dhe shkrime se Sadri Fetiu është ndryshe nga të tjerët. Ajo që e bënë të veçohet është se me daljen e Ushtrisë Çlirmitare të Kosovës, Dr. Sadri Fetiu ishte i pari i cili doli në përkrahje të luftëtarëve të lirisë, duke mos menduar aspak për konsekuencat që mund të pësonte familja e tij dhe pësimet personale si Drejtor i Institutit Albanologjik që ishte. Me okupimin e Institutit Albanologjik nga forcat serbe me 8 mars 1994, Sadri Fetiu do të deklaronte se mbyllja e Institutit ka prapavijë politike dhe se populli shqiptar nuk do të pajtohej kurrë me padrejtësi të tilla. Si gjithnjë, Sadri Fetiu duket i qetë, i urtë, stabil, i pangutshëm, por në shpirtin e tij vlon llava e diturisë dhe e patriotizmit.

Për Sadriun, lufta kishte filluar dhe ajo nuk do të ndalej deri në fitoren përfundimtare, por shtrohej nevoja që luftëtarët e lirisë ta gëzonin edhe përkrahjen morale të intelektualëve tanë, zëri i të cilëve nuk po dëgjohej. Përkrahja morale e bijve më të shkolluar të popullit, luftëtarët do t’i inspironte e vargu i tyre do të zgjatej. Ushtria jonë gjendej në një fazë hutie ku disa intelektualë të tjerë deklaronin se luftëtarët e lirisë ishin dorë e zgjatur e Millosheviqit. Mendimit të Sadri Fetiut do t’i bashkangjiteshin edhe disa personalitete me tituj shkencorë, por Sadriu ishte ai që e theu akullin siç ishin luftëtarët tanë që e thyen mitin se ushtarët serbë nuk mund të vriteshin. Kjo ishte një lehtësi, padi ushtria jonë gjendej në një fazë hutie, pasi disa intelektualë të tjerë deklaronin se ushtarët e lirisë ishin dorë e zgjatur e Millosheviqit.
Sadri Fetiu asnjëherë në jetën e tij nuk ka heshtur para padrejtësive që iu kanë bërë popullit tonë. Ka folur edhe atëherë kur fjala ka kushtuar shtrenjtë. Po të analizohen shkrimet e tij publicisti ke të shkruara para shumë vjetësh, do të shohim se ato janë analiza konstruktive dhe duket që Sadriu kishte një vizion largpamës për ardhmërinë e vendit e të cilat shkrime nuk mund t’i ndryshkën me kalimin e kohës.
Intelektuali që e sfidoi partinë komuniste
Sadri Fetiu asnjëherë nuk ishte anëtar i partisë komuniste dhe aktualisht nuk i takon asnjë partie politike, sepse për këtë intelektual parasëgjithash partia është Atdheu. Kosova është ideali për të cilën duhet punuar dhe sakrifikuar çdo gjë që populli i saj të ketë prosperitet. Në kushtet aktuale të mos i përkasësh asnjë rryme politike paraqitët një problem. Askush nuk të beson. Si mundet të të besojë populli qe dikur ke vepruar për çështjen kombëtare kur ne ekranet televizive pranë shefave të partive dhe ne vende kyçe sheh njerëzit tjerë ?! Kur nuk ke mirënjohje nga njerëzit e pushtetit për kontributin e dhënë pse të të besojnë rrethi?

Familja politike nuk të përkrah nëse nuk je njeriu i dëgjueshëm. Ata madje as qe e çajnë kokën se dikush dikur ka vepruar kur pikërisht ata kanë heshtur. Nuk është më me rëndësi kush ka vepruar e kush ka heshtur, me rëndësi është të jesh i dëgjueshëm, i urtë, eventualisht kushëri i ndonjërit në pushtet. Mirëpo, Sadri Fetiut nuk i bëhet vonë për mospërfilljet e askujt. Nuk iu ka bërë vonë në kohët më të vështira millosheviqaine kur shkonte koka e tash as që donë të merakosët për mirënjohje. Tani nuk ka “mirënjohje të mirëfillta”. Ka vetëm mirënjohje familajrizmash, klanesh dhe partiake ku nuk vlerësohet realiteti objektiv.
Dr. Sadri Fetiu nuk hesht para gjërave negative që bëhen në dëmë të popullit dhe ardhmërisë së Kosovës. Nëpërmjet analizave politike i shpreh pikëpamjet e tij duke mos i kursyer asnjërën nga partitë politike e asnjërin nga pushtetarët, sepse ky intelektual mendon se duke i vë në spikamë eliminohen dobësitë që kanë partitë e veçmas individët partiakë. Kritikat e Sadri Fetiut nuk janë tendencioze e me ndonjë prapavijë , por thjeshtë konstruktive që i shërbejnë çështjes kombëtare. Ç’ndodh me intelektualët e rangut të Sadri Fetiut të Rexhep Qosjes e të tjerë?! Komentohen artikujt publicistikë konstruktiv nga njerëzit e pushtetit? Jo. Çdo gjë kalon në heshtje sikur asgjë e askush të mos kishte folur. Madje rangu i tillë intelektualësh anashkalohet e injorhet skajshmërsiht, që askush të mos dëgjon më për emra të tillë. Ndodh edhe të klasifikohen edhe si prishës të rendit dhe komoditetit e rehatisë personale të pushtetarëve.
Me ata që veprojnë për intertesa të popullit
Nuk mbahet në mend që Sadri Fetiu, ish- Drejtor i Institutit Albanologjik të Kosovës të jetë ftuar në mediume publike si analist për ta shprehur mendimin politik rreth një ngjarje madje minore. Jo vetëm ky por askush që ka pikëpamje të drejta dhe bagazh patriotik të mirëfilltë nuk ftohën për ta komentuar një situatë të përshtatshme ose të papërshtatshme që krijohet në Kosovë. Tipa të tillë duhet të injorohen, kishte thënë një unmikas njëherë, dhe askush nuk e dinte më se kush kishte thënë dhe pse kishte thënë. Me rëndësi ishte se u tha, e pushtetarët duhet t’ia vënin fjalët e tij ne vepra. Sadri Fetiut nuk i bëhej vonë e ftojnë apo nuk e ftojnë. Është i vetëdijshëm se asgjë nuk mundet ta ndalë hapin e çështjes sonë dhe se gjithnjë do të dalin forca të shëndosha që i dalin zot vendit. Për këtë Sadri Fetiu nuk i frikësohet askujt dhe pa ngurrim e përkrah Lëvizjen “Vetëvendosje” , duke u shpreh me fjalët më të mira ku deklaron: “Po,do të jem bashkë me trimat e “Vetëvendosjes”. Deri sa të kem fuqi të eci vetë do të jem me ata që veprojnë për interesa të popullit, do të veprojë për lirinë e tij, për të drejtat e tij demokratike, për çështjen shqiptare...Albin Kurti dhe shokët e tij të”Vetëvendosjes” janë në rrugë të drejtë. Ata janë kundër politikës kapitulluese, që e ka pranuar Serbinë si hisedare që do ta kontrollojë drejtpërdrejtë pjesën e ndarë,të komunave serbe në Kosovë… dhe kërkonin të drejtën e popullit për vetëvendosje që është e drejtë e garantuar në bazë të normave ndërkombëtare për të drejtat e popujve”.
Sadri Fetiu gjatë periudhës nën okupim përsafarmi ndiqte fatin e popullit të tij dhe ngrinte zërin kundër shkelësve të këtij vendi me një guxim të rrallë duke e klasifikuar rendin e sistemit sundues si shovenist e duke deklaruar se më shumë se gjysma e popullit shqiptar jeton në robëri klasike dhe se shqiptaret janë i vetmi popull i Evropës që ende nuk i ka zgjidhur çështjet fundamnetale të rezistencës se tij si komb.
Sadri Fetiu është njohës dhe studiues i mirë i folklorit tonë, i cili me botimin e këtyre këngëve i ka shërbyer ekspertëve tanë dhe atyre të huaj që të thyen tezat serbe rreth origjinës së popullit shqiptar siç mund të shohim të jetë cituar në: “Formation nationale et nationalisme dans l'aire de peuplement albanais Albert Doja Docteur en anthropologie sociale (EHESS Paris), madje nga Ullmar Quick e të tjerë.

Kontakt : Reshat80@hotmail.com
KOSOVA SOT ME 12 PRILL 2008

---------

• TITUJ TË NGJASHËM

[ Opinione ]

Shenjtorë: Shpëtoni shpirtin e Shkjaut (2008-08-06 12:23:51 nga admin1)

[ Opinione ]

FADIL VATA - SHËMBËLLIM I SHPIRTIT FISNIK E I KARAKTERIT BURRËROR (2008-04-26 03:49:10 nga admin4)

[ Kultura ]

Poeti që shiti lopën për të botuar poezitë e shpirtit të tij (2008-03-17 16:20:05 nga admin4)

[ Intervista ]

Kosovës po ia shesin shpirtin dhe trupin (2007-09-04 14:32:04 nga admin1)

[ Lajmet kryesore ]

LETËR PËRSHËNDETËSE KLUBIT, “AFRIM ZHITIA”, ME RASTIN E FESTIMIT TË 100 VJETORIT TË DITËLINDJES SË GJENIUT, ENVER HOXHA! (2008-10-07 02:54:00 nga admin4)