Rinisin operacionet pas shpërthimeve :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» Rinisin operacionet pas shpërthimeve

Postuar më datën: 2008-03-16 05:59:54 nga admin2 :: Kategoria: Lajmet kryesore

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Kanë rinisur në Shqipëri në orët e para të ditës operacionet e shpëtimit në zonën pranë Tiranës, ku një seri shpërthimesh lanë të paktën 5 të vrarë dhe të paktën 246 të plagosur.

Ministri i Mbrojtjes, Fatmir Mediu i tha BBC-së se shpresonte që operacionet e së dielës të krijonin një pasqyrë më të qartë të asaj që ndodhi një ditë më parë.

Ministri i Shëndetësisë, Leonard Ndoka i tha BBC-së se këto operacione do të ishin më intensive dhe se pritet që të mësohet më shumë për fatin e të mbijetuarve dhe numrin e viktimave.

Ai i tha BBC-së se ka filluar dhe evakuimi i të lënduarve të parë nga shpërthimet për në vendet fqinjë.

Ai tha se 5 të lënduar ishin nisur gjatë natës drejt Selanikut, mes tyre dhe dy fëmijë.

Ndërkohë që pritet që gjatë ditës të nisen për në Itali 11 të lënduar të tjerë, dy prej tyre në gjendje të rëndë.

Shpërthimet

Shpërthimet nisën në një depo të vjetër municioni në fshatin Gërdec, kur atje shkoi një ekip specialistësh për të çmontuar municione.

Pas shpërthimit të parë pati dhe një seri shpërthimesh të tjera që u dëgjuan deri në Maqedoninë fqinjë.

Rreth 4,000 persona u evakuan nga zona, ku edhe vonë në mbrëmje shihej zjarri i shkaktuar nga shpërthimi.

Autoritetet reaguan ndaj situatës. Zona u shpall zonë katastrofe dhe u ngritën e shtabet e emergjencës.

Të plagosurit u dërguan në spitalet e Durrësit dhe Tiranës të cilët bënë thirrje për të dhuruar gjak.

Në ndihmë të banorëve shkuan dhe mjete të blinduara dhe forca speciale të ushtrisë.

Hetim
Ministri Mediu i tha BBC-së se shpresohej që gjatë operacioneve të ditës së diel të mësohet më shumë për atë që ndodhi të shtunën.

Ai tha se ekipi i specialistëve po e çmontonte municionin në mënyrë mekanike.

Kryeministri Sali Berisha njoftoi të shtunën në mbrëmje se do të bëhej një hetim për rastin.

Ai nuk e përjashtoi mundësinë e gabimit njerëzor.

Problem madhor

Por kryeministri shprehu shqetësim për sasinë e madhe të municioneve të vjetra që ndodhen të depozituara në Shqipëri dhe gjendjen e tyre.

"Municioni i rrezikshëm përbën problem madhor," tha zoti Berisha.

Shqipëria ka më shumë se 100,000 ton municion të periudhës komuniste- të përhapura në të gjithë vendin.

Zoti Berisha tha se do të gjenden rrugë të reja për të shkatërruar "sasinë kolosale" të tyre.

Ftesa e NATO-s

Një numër vendesh të NATO-s e kanë ndihmuar Shqipërinë të shkatërrojë municionin e tepërt e të vjetruar.

Tirana shpreson të marrë ftesë për të hyrë në aleancë në samitin e Bukureshtit, muajin e ardhshëm.

Kryeministri Berisha tha se nuk besonte se aksidenti i të shtunës do të ndikonte në vendimin që do të merrej.

Ministri i Mbrojtjes i tha BBC-së se vendet e NATO-s ishin në dijeni të problemit të municionit në Shqipëri.

Aksidente të ngjashme, tha ai, kishin ndodhur edhe në vendet të tjera të NATO-s.

BBC

---------

• TITUJ TË NGJASHËM

[ Lajmet kryesore ]

Bush udhëzon pjesëmarrjen e forcave të SHBA-ve në operacionet ushtarake në Kosovë (2008-06-16 11:15:06 nga admin2)

[ Opinione ]

Historinë duhet pasuruar me të vërteta (2008-10-10 08:03:46 nga admin4)

[ Opinione ]

PAGAT ASTRONOMIKE TË “INSTITUCIONALISTËVE” TË KOSOVËS “SHTET” DHE SKANDALET E NJËPASNJËSHME “SHTETËRORE” (2008-10-06 07:49:09 nga admin4)

[ Lajmet kryesore ]

Panik në bursat ndërkombëtare, pas votës "JO" ndaj planit të administratës amerikane (2008-09-30 01:50:02 nga admin2)

[ Opinione ]

A do ta ribashkojnë Kërcovën intelektualët dhe veprimtarët jo institucionalist, pas ndarjes së saj nga institucionalistët?!! (2008-09-28 08:40:24 nga admin4)