FEDERALIZMI – IDE E PAGJETUR KOMBËTARISHT :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» FEDERALIZMI – IDE E PAGJETUR KOMBËTARISHT

Postuar më datën: 2008-06-16 15:10:05 nga admin4 :: Kategoria: Opinione

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

Ditë më parë nisi një debat për idenë e federalizmit të shqiptarëve në Maqedoni, prirë prej kryetarit të BDK-së atje, z. Hysni Shaqiri. Ideja, si ide, nuk do të ishte aspak kontestuese, sikurse Shqipëria të ishte e tëra, në kufijtë e saj etnikë e gjeonatyrorë, me të gjithë shqiptarët e bashkuar në një shtet dhe reth një himni e një flamuri kombëtar, por, kësisoji, siç është, nuk është ide që ta mbushë mendjen për diçka serioze. Themi kështu, sepse, parë realisht, kësisoji, ne, sikurse i ndihmojmë pushtuesit e tokave të pushtuara shqiptare që ta zgjasin edhe më dhe ta shtrijnë pushtetin e tyre deri në përjetësi, pikërisht, me ndihmën e shqiptarëve dhe të partive e të partizave të copëtuara, sipas maksimës së njohur romake Divida et impera (Përçaj dhe sundo). Kjo, tashmë, po shihet sheshit, qysh se ka filluar pluralizmi (lexo: pularizmi) “politik shqiptar”, kudo ku flitet shqipja, fatkeqësisht.

Shkruan: Tafil DURAKU

Populli shqiptar dhe inteligjenca e mirëfilltë e tij është shumëngopur tashmë me të gjitha “idetë” dhe “gjetjet kombëtare” të “shqiptarëve” në pushtet, kudo. Aq shumë “ide” e “gjetje” janë bërë, sa që gjithçka ka kaluar në snobizëm politik dhe “kombëtar”. Po, më thoni: Edhe ç‘e keqe tjetër duhet t’u ndodhë shqiptarëve dhe Shqipërisë?... Prej të gjitha këtyre “ideve” dhe “gjetjeve” Shqipëria dhe populli shqiptar janë katandisur kësisoji, saqë, sot, po qesh e gjithë bota me shqiptarët dhe me Shqipërinë e tyre, të copëtuar nga vetë “shqiptarët” dhe prej të gjitha “ideve” dhe “gjetjeve” të ture “kombëtare” e “shqtetërore”.

Fatkeqësisht, sot, falë atyre e këtyre “ideve” dhe “gjetjeve”, Shqipëria nuk është SHQIPËRI, populli shqiptar kudo torjeve të veta të shumëcopëtuara etnike nuk quhet, madje, as pakicë kombëtare dhe as që figuron emri shqiptar në “kushtetutat” e reja që po bëhen dhe mund të bëhen kudo trojeve të pushtuara shqiptare. Pra, shihet qartë se të gjitha “idetë” dhe “gjetjet” e derisotme kanë përfunduar të dështuara, për vetë faktin se, si të tilla, më tepër u kanë shërbyer armiqve dhe interesave afatshkurta e afatgjata të tyre, sesa vetë interesave të tyre kombëtare.

Me këtë, nuk duam ta kontestojmë shqiptarizmën e z. Hysni Shaqiri e përkrahësve të tij, si dhe as të asnjë shqiptari tjetër që është tamam shqiptar dhe frymon shqip, kudo që jeton trojeve tona etnike, të copëtuara prej këtyre “demokracive” dhe “politikave shqiptare” më zi sesa që ishin copëtuar në shekullin e shkuar. Prandaj, idetë e tilla megalomane shërbejnë edhe më vetëm sa për ta mashtruar e poshtëruar në këtë shkallë e në këtë masë popullin shqiptar dhe shtetin shqiptar – Shqipërinë-SHQIPËRI, për t’i mbajtur dhe për t’i ruajtur kështu të copëtuar përjetësisht trojet etnike shqiptare, si dhe për të qëndruar të gjithë “shqiptarët” (tradhtarët e kuislingët) e përzgjedhur negativisht nga titistët dhe pushtuesit tjerë përreth, në të gjitha pushtetet antishqiptare dhe antiShqipëri.

Prandaj, shpreh dhe mbështet mendimin tim të qëndrueshëm dhe të pathyeshëm kombëtarisht, se boshti (kurrizi) shqiptar, kudo që kërkohet jashtë Tiranës Zyrtare të të Madhit Shqiptar, Xhaxhit Enver Hoxha, dhe jashtë Kushtetutës Shqiptare e të gjitha Lidhjeve tjera Shqiptare, do jetë ide e gabuar për çdo kohë shqiptare, si e pagjetur dhe plotësisht e dështuar kombëtarisht. Po, a më ide e mirë dhe përkushtim madhor shqiptar do jetë të bashkohemi të gjithë rreth një Kushtetute Shqiptare, rreth një Programi Kombëtar Shqiptar, apo, të përthupërohemi dhe të katandisemi kësisoji, pas “ideve” dhe “gjetjeve” plotësisht të pafrytshme dhe shtërpe?... Përgjigjja në këtë pyetje, besojmë, është mëse e qartë për të gjithë shqiptarët që mendojnë e veprojnë sipas mendësisë shekullore shqiptare, sepse, ndryshe, Shqipëria e tyre nuk do bëhet dhe nuk do jetë kurrë: SHQIPËRI.

Pra, pa u bërë Shqipëria-SHQIPËRI, shqiptarëve, kudo që janë trojeve të tyre të pushtuara dhe të robëruara edhe sot, prej “shqiptarëve” në pushtet dhe prej robëruesve të tyre, nuk u shkojnë fare “idetë” dhe “gjetjet” për asnjë lloj federalizmi tjetër, sepse, që të gjitha “idetë” dhe “gjetjet” e tilla dhe të ngjashme, kanë përfunduar jo vetëm të dëmshme, por, edhe të dështuara e të gabuara për shqiptarët dhe për Shqipërinë e tyre SHQIPËRI.

Prandaj, është parësore ta bëjmë veten tonë NJË – SHQIPËRI, e, më vonë, nuk do ishte keq t’i kthehemi për krijim (rikrijim) madhështisë tonë Ilire, shtrirjes gjeonatyrore dhe gjeofizike të Ilirisë, për krijimin e një federate Ilire, që do mund të quhej edhe Shtetet e Bashkuara Ilire (SHBI), ku do bënin pjesë Shqipëria-SHQIPËRI, Mali i Zi, Bosnja dhe Hercegovina, Kroacia, Sllovenia, po, pse jo edhe Serbia që është shtrirë dhe sllavizuar plotësisht në një territor të pushtuar iliro-shqiptar, e, madje, mendojmë se, në një bashkësi të tillë shtetesh do mund të kyçeshin, pse jo, edhe Greqia ilire, Italia ilire, Bullgaria ilire, Rumania ilire, Hungaria ilire dhe Austria ilire..., me gjuhë të përbashkët zyrtare Gjuhën shqipe, pasardhësen e drejtpërdrejtë të ilirishtes. Do e citojmë këtu, mendimin e ndritur, mbi bazën njerëzore dhe shkencore, të shkrimtares bashkëkohore kroate, Flora Doza, që e përzbardhë në parathënien e romanit të saj, ILIRJA, kur thotë: “Ilirët nuk u zhdukën nga skena historike, ata vazhdojnë të jetojnë në ne...”

Pra, është koha dhe momenti i duhur që shqiptarët dhe liderët e mirëfilltë të tyre, në mënyrë shumë demokratike dhe paqësore, pas gjithë gjakut të dërdhur nëpër shekuj për ta bërë Shqipërinë-SHQIPËRI, të mendojnë, të punojnë e veprojnë dhe ta kërkojnë me ngulm, së pari, bërien e Shqipërisë-SHQIPËRI, në të gjithë shtrirjen e saj gjeonatyrore, gjeofizike dhe gjeopolitike, për të pasur të drejtë, më pastaj, për të menduar për bashkësi të tjera politiko-shtetërore, federale, apo, konfederale. Pashmangshëm, duhet parë dhe bërë Shqipërinë të tërën dhe shqiptarët brenda saj, si dhe pakicat tjera njerëzore që duan të jetojnë në të, të padiskriminuara, për të mos ndodhur më thyerje tjera antishqiptare dhe antiShqipëri, thjesht, thyerje e intriga që çojnë pambarimisht dhe pashmangshëm drejt luftave të reja. E, nëse edhe më tej ndodhin thyerjet e paskajshme politike dhe ushtarake mbi trupin gjeonatyror dhe gjeofizik të Shqipërisë dhe të shqiptarëve, në të ardhmen, gjakderdhjet dhe luftat e reja, pa fajin absolut të shqiptarëve, do jenë të pashmangshme dhe të pafundme, sepse, edhe shqiptarët, sikurse të gjithë popujt dhe shtetet tjera të rruzullimit kanë të drejtë ta kenë veten e tyre të plotë dhe të pacenueshme.

Prandaj, shqiptarët, duhet të mësohen se vetëm atëherë kanë të drejtë të patjetërsueshme të mendojnë për federalizma dhe konfederalizma mes kombesh e shtetesh të barabarta dhe të garantuara ndërkombëtarisht. Po, a u duket se pak nga thërmuan dhe na copëtuan “idetë” dhe “gjetjet politike” të “shqiptaro”-titistëve, të cilat po na përthupërojnë përditë e më zi e më për të keq...

Dhashtë Zoti, e bëjmë Shqipërinë-SHQIPËRI, me sy e mendje shqiptare.

Burojë, 15 qershor 2008

---------

• TITUJ TË NGJASHËM

[ Opinione ]

FEDERALIZMI I MAQEDONISË IDE E GABUAR! (2008-06-01 10:39:24 nga admin4)

[ Opinione ]

VETËM FEDERALIZMI SHPËTON KRIJESËN ARTIFICIALE ME EMRIN "MAQEDONI" (2008-05-31 04:45:53 nga admin4)

[ Opinione ]

NËPËRMJET FEDERALIZMIT TË MAQEDONISË MUND TË SHKOJMË DREJT QËLLIMEVE KOMBËTARE (2008-05-18 16:29:05 nga admin4)

[ Lajmet kryesore ]

Ponosh: Nuk duhet lejuar që situata të eskalojë në Ballkan (2008-08-29 10:27:38 nga admin2)

[ Kultura ]

Mace me katër veshë (2008-08-28 15:52:12 nga admin4)