HAPJA E DOSJEVE TË SPIUNËVE :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» HAPJA E DOSJEVE TË SPIUNËVE

Postuar më datën: 2008-08-02 05:26:01 nga admin1 :: Kategoria: Opinione

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

SPIUNËT E HUAJ HAPIN DOSJET E SPIUNVE VENDOR NË SHQIPËRI- PËR SPIUNËT E UDB-s NË KOSOVË PO HESHTET

Shkruan: Kushtrim JANINA

Jemi mësuar vetëm tani që sa herë që Kosova të gjendet në situata delikate, dikujt nga jashtë i nevojitet të e destabilizoi gjendjen e brendshme politike në Republikën e Shqipërisë dhe kjo metodë përdoret që nga Janari 1982 e deri me sot.

Kësaj radhe destabilizimi i gjendjes politike në Shqipëri po bëhet me një destinim të saktë shumë dimensional, për të e justifikuar një proces antiligjor dhe antishqiptar në Kosovë. Në Kosovë ka filluar demolomi i unitetit të qenies kombëtare në emër të një shteti liliputan ku Populli Shqiptar në trojet e veta etnike e ka statusin e një komuniteti “qiraxhi” të cilit nga Brukseli ia caktojnë identitetin e një “shteti të pa-pavarur”! Në të njëjtën kohë Parlamenti i Kosovës ku pozita e opozita janë kurorëzuar me Planin e Ahtisarit, shtihet se ”çdo gjë është në rregull” dhe se ka mbet puna vetëm se a duhet me i harxhua 50 Milion Euro në shumë rrugica e në shumë tender ku është me lehtë me i fsheh hajnitë apo ato me i bart në buxhetin e ardhshëm si suficit nga projekti i autostradës Durrës – Prishtinë – Nish. Ndoshta se vetëm me një tender hajnia e korrupsioni nuk mund të fshihen shumë.

Vet kryetari i Shoqatës së ish të Burgosurve Politikë, një deputet me nam dhe jurist bile, në vend se të hap procedurë për ndjekjen e spiunëve dhe oficereve kriminel të UDB që me në fund të ndriçohen dhe të gjykohen krimet e tyre, ai merret me ujërat e zeza dhe me ndarjen e komplimenteve ndaj një qeverisej mafioze e cila në njërën anë shet kerre e në tjetrën anë blenë kerre për qeverinë e përkohshme derisa në sallat e operacioneve në spitale mungoj edhe penjtë edhe fashat e thjeshta për të operuarit! As “pozita dhe as opozita” në Parlamenti i Kosovës nuk po merren me atë që duhet të merren! Me organizimin e regjistrimit të popullsisë, me organizimin e referendumit mbi rendin shoqëror dhe me organizimin e zgjedhjeve të reja me të cilat duhet njëherë e përgjithmonë të ndahet vendi nga “qeveritë e përkohshme” që po e mbajnë Kosovën qe 20 vite në një agoni kriminale!

Në të njëjtën kohë kryeministri i përkohshëm, del para ministrit të brendshëm anonim, për të bërë për vete reklamë zëvendësimin e Pasaportës të UNMIK-ut me Pasaportën e EU-MIK-ut. Bile ai thotë se: “... Kosova qe një shekull ka prit të e këtë identitetin e vet...” dhe ai identitet qenka ky alla-ahtisarqe. E vërteta është ndryshe. Kosova kurrë nuk ka luftuar për krijimin e dy identiteteve e shteteve liliputane por për pavarësi nga Serbia dhe për bashkimin me shtetin Amë. Prandaj vetëm Pasaporta Shqiptare e Shqipërisë së bashkuar me shqiponjën dykrenore mund të e prezanton identitetin e shqiptarëve. Dielli i bën dritë ditës. Hana e ndriçon natën. Ndërsa yjet e akullit të BE i bëjnë dritë vetëm vetvetes!

Praktika po tregon se në kushtet e programuara të disfavorshme sociale, ekonomike, politike e nën kërcënimin e pranisë të huaj policore e ushtarake administrata e UNMIK-OS-BE po zbatohet imponimi i dhunshëm i statusit të Kosovës. Përmes të institucioneve e përkohshme të pakicës, të huajt po miratojnë kushtetuta, ligje, simbole, himen, flamur dhe po krijojnë një “identitet të një kombi të ri multietink” në vendin tonë në dëm të kombit shqiptar në Kosovë dhe në Ballkan. Kjo po bëhet me të vetmin qëllim që populli i ynë të shpronësohet nga pronësia në territoret e veta etnike, të legalizohen kufijtë “ndërkombëtar” brenda atdheut ton dhe trojet tona të kalojnë përgjithmonë në pronësi fqinjëve sllavo-grek dhe në pronësi koloniale të BE.

Aktualisht nën pranin e nën sundimin administratave dhe të forcave të huaja ushtarake në Ballkan gjendet të gjitha viset Shqiptare, gjegjësisht vetëm tëra vise e banuara me mysliman, duke e përfshirë edhe Bosnjën e Hercegovinën te cilës po ashtu ju ka imponuar një zgjedhje e dhunshme. Me Kushtetutë, Flamur e Himn të huaj. Gjithnjë duke e bërë këtë me mbulesën e vullnetit të vasalëve të vet vendor! Vet Serbia dhe Mali i Zi që kanë qen agresor e shkaktare të luftërave nuk kanë prani të huaj ushtarake e policore. Përkundrazi ato privilegjohen në çdo aspekt bile edhe duke ju njohur edhe privilegje që nuk i kanë pas as në ish RSFJ (psh. Republika serbska apo komunat serbe të Ahtisarit në Kosovë e tj. nuk kanë ekzistuar as në ish Jugosllavi). Mali i Zi u pavarësua pa kur far “mbikëqyrje” nga jashtë dhe deri me tani Gjykata e Hagës po harron të i fton Gjukanoviqin, Bullatoviqin dhe tërë ata politikan e ushtarak malazez që kanë marr pjesë në kryerjen e krimeve të luftës së bashku me Millosheviqin, Mlladiqin, Karagjiqin, Millutinoivqin, Sheshelin e tj. Bile as Millosheviqi si shef shteti nuk u shpall fajtor nga kjo gjykatë për krimet e ati shteti, por pas vdekjes së ti fajet e Jugosllavisë u varrosën bashkë me te! Nëse Haga i fal gjaqet tona, ne nuk do ti falim kurrë!

Njëra nga këto dimensione është që të vazhdohet me shthurjen dhe demolimin e qenies unike kombëtare. Prandaj, krahas imponimit të një “identitet të një kombi të ri multietink” edhe përmes të flamurit e himnit të Ahtisarit në Republikën e Kosovës, në dy të tretat e territorit të ish KSA të Kosovës, po bëhen përpjekje që kjo të prezantohet si vullnet i vet popullit! Populli Shqiptar është i vetmi popull ne Evropë që ka rritje dinamike demografike dhe në të njëjtën kohë, në vend se ti kthehen territoret e ti etnike, ati tokatë e veta etnike po i grabiten e zvogëlohen me copëtime e decentralizime të reja! Në të njëjtën kohë në Malin e Zi, në Serbi, në Maqedoni e Greqi mbushen burgjet me shqiptar, ata vriten, terrorizohen dhe dëbohen nga vatrat e veta vetëm pse janë shqiptar dhe mbi këtë nuk flasin as BE dhe as Shkupi, Prishtina e Tirana Zyrtare.

Nga Tirana vinë edhe më tutje lajme të shëmtuara. Pas Gërdecit ku Shqipëria u përgjak edhe njëherë nga institucionet demo-idiotike qe atje po quhet “demokratike”, filloi fushata e re kundër “spiunëve” që kanë punuar kundër shërbimeve të huaja të spiunazhit në favor të shtetit të vet, dhe hapja e këtyre dosjeve bëhet nga spiunët e huaj me kërkesa të OSBE e BE, politikën e të cilave ndaj popullit tonë e dikton Athina. Deri me tani as UNMIK-u, as OSBE-a dhe as BE-a nuk kërkuan hapjen e dosjeve të UDB-es në Kosovë dhe në ish RSFJ! A mos janë kriminelet e regjimit të diktaturës titiste-rankoviqiste e millosheviqiste nën mbrojtjen e ombrellës së tyre përderisa nga ata nuk po kërkohet përgjegjësi për krimet e tmerrshme qe ata i bën ndaj shqiptarëve për një shekull? Pse Brukseli dhe Komisioni Evropian po përgatisnin rikolonizimin e Kosovës me koloni të reja serbe por nuk po ju kujtohet që të e detyron Serbinë e Malin e Zi dhe Greqinë ti kthen tokat e pronarëve shqiptar të dëbuar nga Nishi e deri në Tivar dhe në Çamëri. Shqiptarët nga dhuna e terrori shtetëror u dynden në gjitha vendete e Botës brenda një shekull. Ata a duhet të kthehen në vatrat e veta?

Po! Është me të vërtet mirë që i tërë regjimi 50 vjeçar i Enver Hoxhës të zbërthehet publikisht dhe ndaj ti të bëhet një gjykim i drejtë historik. Nëse ka pas krime ato duhet gjykuar dhe përgjegjësit e krimeve duhet dënuar me dënime të merituara. Kjo do të ishte rast shumë i mirë që të ndriçohen edhe veprat kolosale pozitive të ati regjimi dhe të krahasohen me gjendjen e tanishme, sepse vetëm kështu mund të thuhet e vërteta e të dy anëve të medaljonit të ati regjimi. Të metat e ati regjimi askush nuk duhet ti merr nën mbrojtje por ato duhet gjykuar drejt, sikur që vlerat kombëtare të krijuar në atë kohë duhet mbrojtur me çdo çmim. Mirëpo, ata që po kërkojnë të i hapin “dosjet e spiunëve” në Shqipëri nuk e kanë hallin te e vërteta por te nxitja e përçarjeve sa me të thella mes shqiptarëve që në vendin ton të vazhdon anarkia dhe kaosi sa më gjatë. Than hapur ata po duan të e qojnë demolimin e kombit shqiptar deri në asgjësimin e ti. Prandaj OSBE-BE me Athinën pas vete, kërkojnë nga spiunët e vet të sotëm që ti hapin “dosjet e spiunëve” të kohës së regjimit të Enver Hoxhës. Hapjen e “dosjeve të spiunëve” kërkojnë ata që për çdo ditë shkojnë në Ambasadat e huaja në Tiranë dhe shkojnë bile deri në Bruksel e gjetiu për të spiunuar njeri tjetrin dhe vendin e vet me shpresë se dikush ua mbush gjepat me euro! Për të goditur qenien ton kombëtare ata po i sulmojnë vlerat tona nacionale duke mos e kursyer as vet Gjergj Kastriotin, Ismail Qemailin, Isa Boletinin, Adem Demaqin, Nënë Terezën si dhe vlerat tjera tona kulturore e nacionale dhe nga ana tjetër po bëjnë përpjekje që të krijojnë autoritet të rrejshëm për vasalët e vet.

Një varg krimesh ordinere në territorin e Republikës së Shqipërisë dhe në Republikën e Kosovës duke i përfshi këtu edhe pritat e kriminelëve me maska e pa maska në sezonin turistike si dhe organizimin e skandaleve sikur ai në Gërdec apo ai me tentativën e heqjes së emrit të ISMAIL QEMAILIT nga Universiteti i Vlorës, kanë për qëllim që shqiptarët e Kosovës zhgënjehen dhe të binden të heqin dorë nga bashkimi me shtetin Amë. Institucionet demo-idiotike të Tiranës duke u thirr në “reformat” e kërkuara na BE (lexo nga Greqia) i kanë vu kazmën tëra vlerave tona kulturore e kombëtare. Ndërsa në Prishtinë ku qeverisin hajnat e buxhetit nga Grupi për bisedime me Serbin po përgatisin bisedime (plaçkitje të reja të buxhetit) të reja me Beogradin. Këto institucione të përkohshme sulmin e gardës të Car Llazarit në Stacionin e SHPK në Mitrovicë dhe sulmin e serbëve ndaj Doganave mundohen të e fshehin në tërësi, ndërsa hyrjen e një hajni të imët, një fëmijë 19 vjeçar, për të vjedhur në shtëpinë e kryeministrit, e prezantojnë si “sulëm” edhe pse ai nuk ka sulmuar as ke si person apo si objekt. Hajnat ordiner janë me të vërtet shumë të pa kulturuar sepse kurrë nuk i lexojnë as gazetat dhe as nuk i përcjellin kurrë lajmet kështu që as që e dinë se kush është kryeministri, si e ka emrin dhe ku banon. Atyre ju intereson vetëm me vjedh dhe kështu me e siguruar ekzistencën pasi nuk kanë kur far perspektive me punua dhe me e fitua bukën e vet me djersën e vet! Nëse hajnat nuk lexojnë dhe nuk i shikojnë as lajmet për ata duhet rikthyer në fuqi “tellallin” e mëhallës me tupan i cili i bën me dije ata se si pas Kanunit të Lekës, “... ai që vjedh pronën e tjetrit nëse zbulohet mund të vritet aty për aty dhe ai do të shkon gjakhumbur...”!

Prandaj alarm për të gjithë ata që e vejnë dorën mbi pronën që nuk është e tyre duke e përfshirë këtu edhe ata që vejnë dorë mbi buxhetin e vendit! Hajna kujdes! Spiun kujdes! Kanuni i Lekës do të ve dorë mbi ju nëse ju nuk zmbrapseni nga harami kudër kombit e atdheut të juaj !

---------

• TITUJ TË NGJASHËM

[ Lajmet kryesore ]

Presidenti Sejdiu tha se hapja e pakos duhet ta përshpejtojë njohjen e pavarësisë së Kosovës (2007-01-31 06:27:38 nga admin1)

[ Lajmet kryesore ]

LETËR PËRSHËNDETËSE KLUBIT “AFRIM ZHITIA”, ME RASTIN E FESTIMIT TË lOO VJETORIT TË DITËLINDJES SË GJENIUT, ENVER HOXHA! (2008-10-07 02:54:00 nga admin4)

[ Opinione ]

I verbër, por jetën e përcillte më mirë se ata me sy (2008-10-06 11:53:22 nga admin4)

[ Opinione ]

PAGAT ASTRONOMIKE TË “INSTITUCIONALISTËVE” TË KOSOVËS “SHTET” DHE SKANDALET E NJËPASNJËSHME “SHTETËRORE” (2008-10-06 07:49:09 nga admin4)

[ Opinione ]

SHQIPTARËT E KOSOVËS DHE TË TROJEVE SHQIPTARE NË ISH-JUGOSLLAVI KANË PATUR VETËM DY RRUGË TË PËRCAKTIMT TË TYRE: (2008-10-06 04:18:08 nga admin4)