“DREJTËSIA” E PODGORICËS NDAJ SHQIPTARËVE SIPAS “TOPUZIT TË NDRYSHKUR” TË NJEGOSHIT :: DERVINA.COM

Arkivi i lajmeve
Për vitet 2006,2007 dhe 2008

^ Kategoritë

Kërko në lajme:

Shpalos kategorinë:

•	Lajmet kryesore

•	Lajmet në gjuhen angleze

•

Opinion

•	Intervista

•

Sport

•

Kultura

•

Histori

•

Diaspora

•

Tech-Info

Madhësia e shkronjave

Dukja	Madhësia (piksel)
AaBbCc	11 piksel
AaBbCc	12 piksel
AaBbCc	13 piksel
AaBbCc	14 piksel

Vizitorët online në arkiv: vizitorë

» “DREJTËSIA” E PODGORICËS NDAJ SHQIPTARËVE SIPAS “TOPUZIT TË NDRYSHKUR” TË NJEGOSHIT

Postuar më datën: 2008-06-10 15:14:24 nga admin4 :: Kategoria: Opinione

» Opcionet për artikullin

	Bëj favorit këtë artikull
	Pritoje këtë artikull
	Dërgo tek shoku/shoqja
	Shto koment këtë artikull

ESE POLITIKE

*** Qeveria e Sali Berishës, e cila ia bëri tapi “Malësinë e Madhe të Mbishkodrës”, Malit të Zi, duke e njohur atë si shtet sovran dhe të pavarur, qershor 2006, qe dy vjet (shtator 2006 – qershor 2008), në bazë të Kushtetutës së saj(“Neni 8, pika 1. Republika e Shqipërisë mbron të drejtat kombëtare të popullit shqiptar që jeton jashtë kufijve të saj.”), dhe të së drejtës ndërkombëtare, është dashur, që të ndërhyjë te qeveria e Malit të Zi për t’i liruar 17 shqiptarët e pafajshëm, të cilët janë akuzuar, torturohen dhe mbahen në burg pa të drejtë, dhe krejtësisht në mënyrë të kundërligjshme vetëm pse kërkojnë realizimin e të drejtave dhe lirive të plota, që iu takojnë me ligj, sipas drejtës historike, dhe sipas së drejtës ndërkombëtare.

*** Derisa Shqipëria e saliberishëve hesht, dhe nuk ndërmerr asnjë masë të detyrueshme ligjore dhe demokratike për mbrojtjen e të drejtave dhe lirive të shqiptarëve jashtë kufijve të saj, atëherë, është e qartë, dhe krejtësisht e kuptueshme pse 17 vëllezërit tanë të Malësisë së madhe, qe pothuajse dy vjet(2006-2008) po dergjen nëpër kazamatet famëkeqe malazeze, vetëm pse NUK KANË KURRFARË NDIHME KONKRETE FAKTIKE AS LIGJORE as nga Tirana, as nga Prishtina, as nga Tetova, as nga Presheva, as nga Shkupi!!! - Vetëm pse janë shqiptarë, dhe vetëm pse duan t’i realizojnë të drejtat dhe liritë e veta si çdo popull në Ballkan, në Evropë dhe në botë.

Shkruan: Prof.Dr.Mehdi HYSENI

Tanimë, pothuajse po bëhen dy vjet qëkur organet dhe institucionet policore dhe gjyqësore të Malit të Zi i kanë arrestuar dhe, ende janë duke i mbajtur në burg 17 shqiptarë të Malësisë së Madhe Shqiptare, duke i akuzuar si “terroristë”?! Mirëpo, këtë akuzë shpifëse atribuese të organeve hetimore dhe policore të Podgoricës zyrtare, deri tani nuk ka qenë në gjendje, që ta provojë sipas provave materiale Prokuroria përkatëse e Malit të Zi. – Si ta ketë dëshmuar atë akuzë çetniko-fashiste serbomadhe, kur ata 17 shqiptarë nuk kanë asnjë lidhje me “terrorizëm” as me “Al-Kaidën”, për më tepër kur kihet parasysh fakti se ata të gjithë i përkasin fesë katolike.

Le të “shkruajnë” dhe, le të padisin çfarë edhe kanë shpifur, ashtu si ua do “rabushi” i tyre nacionalshovinist çentik serbomadh i organeve dhe i institucioneve policore dhe gjyqësore të Malit të Zi, por 17 shqiptarët e Malësisë së Madhe Shqiptare, janë arrestuar dhe, ende po mbahen në burg, jo pse “kanë kryer ndonjë vepër terroriste”, dhe pse “janë al-kaidistë” kundër shtetit të Malit të Zi, por pse me PLOT TË DREJTË kanë kërkuar, që shqiptarët e Malësisë, t’i kenë të drejtat dhe liritë, që iu takojnë sipas së drejtës historike, sipas së drejtës ndërkombëtare, sipas së drejtës evropiane, dhe sipas të të gjitha konventave, marrëveshjeve, rezolutave dhe deklaratave ndërkombëtare për të drejtat dhe liritë e njeriut. Ky është MOTIVI KRYESOR POLITIK DHE JURIDIK I “TOPUZIT TË NDRYSHKUR” të Petar Petroviq-Njegoshit, sipas të cilit “DREJTËSIA E SOTME” e Malit të Zi, qe dy vjet, pa asnjë provë të dokumentuar po i mban dhe, po i torturon në burg 17 shqiptarët e Malësisë së Madhe Shqiptare.

Këtë të vërtetë lidhur me padrejtësinë e “topuzit të ndryshkur” të nipërve dhe të stërnipërve çetniko-fashistë serbomëdhenj të Njegoshit ndaj 17 vëllezërve tanë, e provon edhe kjo deklaratë e avokatit të tyre mbrojtës, Engjëll Gocaj, ku thuhet se: ” Deri tani janë mbajtur rreth 46 seanca gjyqësore, por Prokuroria nuk ka arritur t’i dëshmojë akuzat kundër tyre.” (www.shqiperiaebashkuar.org).

Gjithashtu, edhe sipas deklaratës së “Muhamet Gjokaj, përfaqësues i Komisionit për të drejtat e njeriut dhe mbrojtjen e pakicave kombëtare i lëvizjes [Atdheu na Bashkon]”, autoritet e Malit të Zi të burgosurit e akuzojnë si degë e Al-Kaidës, por duke ditur se të gjithë të burgosurit i përkasin fesë katolike, i akuzojnë për atakimin e xhamisë në Tuz, akuzë kjo krejt e pabazë. Ata janë burgosur vetëm pse kërkuan të jenë të barabartë me të gjithë qytetarët e Malit të Zi, kërkuan që të kenë komunën e tyre dhe të drejtën për të mos u tjetërsuar kombëtarisht.”(shih: www.shqiperiaebashkuar.org, sipas kumtesës zyrtare për shtyp të Shoqatës “Martin Dreshaj”, bërë në Prishtinë, më 9 qershor 2000).

Derisa të mbahen në burg 17 vëllezërit tanë, as Tirana, as Prishtina, as Tetova, e as Presheva nuk kanë asnjë arsye, dhe asnjë të drejtë morale as ligjore, që të kenë kurrfarë lidhjesh turistike, tregtare, ekonomike, politike a diplomatike me Podgoricën zyrtare të Mali të Zi.

Në shenjë solidarizimi dhe të mbështetjes së plotë 17 vëllezërve tanë, derisa ata të lirohen nga burgjet famëkeqe malazeze, duhet të ndërpritet çdo aktivitet, çdo lidhje dhe çdo kontakt zyrtar dhe privat me Malin e Zi. Ndryshe, “drejtësia” e “topuzit të ndryshkur” e Podgoricës zyrtare, jo që do t’ua zgjatë afatin e vuajtjes së burgut të paligjshëm atyre 17 vëllezërve tanë, por ajo, do të tentojë t’i futë edhe dhjetra e qindra shqiptarë të tjerë burgjet e saj, me motiviacion të rrejshëm politiko- propagandistik (sikurse Serbia e Slobodan Milosheviqit kundër shqiptarëve të Kosovës, më 1989-1999) se të gjithë shqiptarët “janë terroristë”, ashtu siç na kanë akuzuar dhe cilësuar këtu e 100 vjet më parë, qyshkur Malësia e Madhe e Mbishkodrës iu aneksua pa drejtë Malit të Zi me ndihmën e Perandorisë Osmane dhe të fuqive të mëdha të Evropës(1878-2008).

Sikur Mali i Zi ta dinte se 17 shqiptarët e burgosur, ta kishin pasur ndihmën konkrete të Tiranës, të Prishtinës, të Tetovës dhe të Preshevës, sigurisht se ata nuk do t’i kishte mbajtur në burg asnjë as 17 orë, jo qe dy vjet. Mirëpo, meqë shovenët serbomalazezë qëmoti na kanë “nuhatur në qafë” (1912-2008), duke ditur në detaje psikologjinë negative të përçarjes sonë, duke na qujatur herë “turq” e herë “latinë”, edhe sot në fillimshekullin XXI (viti 2008) duke zbatuar këtë “devizë” antishqiptare “divede et impera” po na sundojnë, po na terrorizojnë, po na vrasin, po na mbajnë në burg, po na shpërngulin me hekur dhe me zjarr në dhëna të huaja, pa kurrfarë vështirësie dhe, pa kurrfarë dhënie llogari as para Shqipërisë Mëmë, as para Evropës,e as para Amerikës.

Kjo është një nga arsyet kryesore pse 17 shqiptarët e theksuar qe dy vjet po mbahen në burg, dhe pse shqiptarët e Malësisë së Madhe Shqiptare janë pengje të politikës dhe të drejtësisë gjenocidale dhe kolonialiste të Malit të Zi, që nga viti 1878 e deri më sot (2008).

Me gjithë përpjekjet 100-vjeçare të diasporës shqiptare të Malësisë së Madhe në Amerikë, e cila e ka sensibilizuar problemin kolonial të shqiptarëve në Kongresin dhe në Senatin Amerikan, ende në terren nuk kemi rezultate konkrete të zgjidhjes së këtij problemi tejet të vjetër dhe, tejet akut, jo për fajin e malësorë shqiptarë brena dhe jashtë Malësisë së Madhe, por pikërisht për fajin dhe përgjegjësinë konkrete të politikës zyrtare të Shqipërisë (1990-2008), e cila veç njohjes së Republikës së Malit të Zi, me 2006, në kurriz të së drejtës historike të territorit dhe të popullsisë së Shqipërisë Etnike, nuk ka bërë asnjë hap konkret në zgjidhjen e asnjë problemi të shqiptarëve të Malësisë së Madhe në Mal të Zi. Këtë minus të madh dhe të pajustifikueshëm politiko-kombëtar dhe shtetëror të Shqipërisë, tanimë e ka kapitalizuar politika dhe “drejtësia” e “topuzit të ndryshkur” e Podgoricës, e cila edhe pas njohjes nga ana e Shqipërisë, shqiptarët malësorë po terrorizon, po burgos, dhe po iu shkurton të drejtat dhe liritë e tyre njësoj sikurse gjatë sundimit të knezë danillëve,të njegoshëve, të petroviqëve etj. (1878-2008).

Duhet të pranojmë faktin se, statusi politik, juridik, kushtetues dhe demokratik i shqiptarëve në Mal të Zi, do të fillojë evoluojë në kuptimin pozitiv (në përputhje me të drejtën historike), vetëm atëherë kur Tirana zyrtare, të ketë reaguar zyrtarisht, duke marrë hapa konkret ligjorë për zgjidhjen e problemit kolonial të shqiptarëve në Mal të Zi.

Si rasti i theksuar i 17 të burgosurve politikë shqiptarë, ashtu edhe mbarë populli shqiptar i Malësisë së Madhe në Mal të Zi, duhet të ketë mbrojtjen konkrete kolektive të të gjithë shqiptarëve, ashtu sikurse në rastin e Kosovës. Ndryshe, do të na gjykojnë: Skënderbeu, Dedë Gjon Luli, Abdyl Frashëri, Çerçiz Topulli, Ismail Qemali, At Gjergj Fishta, Vaso Pashë Shkodrani, Andon Z. Çajupi…, etj., se “FEJA E SHQIPTARIT ESHTE SHQIPTARIA”, DHE SE NUK JEMI AS TURQ, AS LATINË, AS SERBË, AS GREKË, AS MALAZEZË, POR VETËM SHQIPTARË…” – Ndaj, të mos presim, por t’iu japim ndihmë konkrete kolektive vëllezërve dhe motrave tona të burgosur dhe të segreguar në Mal të Zi.

---------

• TITUJ TË NGJASHËM

[ Lajmet kryesore ]

Kosova do të fitojë nga mendimi i Gjykatës (2008-10-07 15:27:42 nga admin1)

[ Lajmet kryesore ]

Portugalia njeh zyrtarisht pavarësinë e Kosovës (2008-10-07 15:23:19 nga admin1)

[ Opinione ]

“SHKO E EJA, SI ADEM PEJA” (2008-10-07 08:43:36 nga admin4)

[ Opinione ]

Pajtimi i të mundshmes me të drejtën (2008-10-07 06:57:26 nga admin4)

[ Lajmet kryesore ]

LETËR PËRSHËNDETËSE KLUBIT “AFRIM ZHITIA”, ME RASTIN E FESTIMIT TË lOO VJETORIT TË DITËLINDJES SË GJENIUT, ENVER HOXHA! (2008-10-07 02:54:00 nga admin4)